GENESIS 6:17 - Ṉa Alaofua Falu 1923 1949

¹⁷ Ma rikia fasi, nau, ni nau i talaaku, kwai falea mai kafo ki na kai olo fafia fanua na i iano, fasi kwai faafunuia do eki sui bana na si maṉo ni marukia ni ruruuda, keki sui faisia si kula na ifara thalo lo; ma do eki sui bana na ni fanua na i iano keki mae.

GENESIS 6:17 Referans Kwoze

II. Pita 2:5

Ma mada sa nia e ai si suusia taa la faisia fanua nei iano dini u mai inao, me faamarukia tha Noa, wane ne ṉata sulia kokoto la, bia fiu imole ki lau, si maṉa be falea mai igwa baita fafia toa na fanua na kera fare faekwa atha God;

GENESIS 7:4

Uria na fiu fa boṉi ni u mai, ma nau kwai bii falea mai dani na kai aruṉia fanua sulia fai tafulu fa thato ma fai tafulu fa rodo; ma do maruki eki sui boo na nau ku thauwanida, kwai usuda keki e’i naa faisia maana fanua na i iano.

I. Pita 3:20

Na kera adede faisia ṉata lana dini u mai inao, si maṉa na liona tha God ni doanita tatha la e mamaakwalida na ba si maṉa na tha Noa e to u bana, ma kera ra ana thauwai lana aka ba, ma kera faamarukia ṉadee imole i lala, na ṉa kwalu imole boo, faisia kafo:

Hibaru ki 11:7

Ana fitooa tha Noa, uria na tha God e faaroṉo nia totonao sulia si do ne ai si rikidaki u, sulaania mau la ne mau ania, ka thauwai nia ṉa aka ana faamaruki lana toa nai maafera nia; ma asi do eri e sorea toa na fanua nei iano kera abula taa boo, ma ka fulatoona kokoto la eri na ka fula mai uria fitooa.

Fa Ṉu Abu ki 107:34

Fanua abusua ka lioe fanua e a’i ta si faṉa si tae iei, uria abula taa lana toa na ni fanua eri.

Fa Ṉu Abu ki 29:10

Tha Jihova e ono bana asi maṉa ba ana olo lana kafo fafia fanue; iu, tha Jihova ṉa Kiṉa ka ono bana toto si sui.

Roma 6:23

Sulaania na foli lana abula taa la ṉa maea; ma si do na tha God e tona falea bana na ṉa marukia tatha ni atha Christ Jesus na Lord kulu.

Roma 5:21

Fasi, talafana abula taa la e inoto fafi kia ana maea, alafana lau boo lea la kai inoto uria kokoto la ana marukia tatha atha Jesus Christ na Lord kulu.

Luke 17:27

Kera faṉa, kera kuu, kera tolekini, kera toowane, ka fula ana fa boṉi na tha Noa e tae i la aka, ma kafo ka olo fafia fanua, ma ka labatanida ka sui.

GENESIS 6:13

Ma tha God ka soree isatha Noa, Susui lana do maruki eki sui bana ni inaofaku; uria na fanua na i iano ka fuṉu ana kwaisuuwai lada; ma rikia fasi, nau kwai faafunuida faisia fanua na i iano.

GENESIS 6:7

Ma tha Jihova ka una eri, Nau kwai faafunuia imole eki na nau ku thauwanida faisia maana fanua na i iano; imole ki, ma do maruki i masuu ki mai, ma do na keka aṉo, ma thaaro eki i mamaṉaa; uria na manataku e tala naa faisia thauwaia eri na nau ku thauwanida mania.

Mathui 24:39

Ma kesi thaitoomana ma toto kafo ka olo boo, ka lauda ka sui; fula lana Kaluwane imole kai una eri.

GENESIS 9:9

Ma ni nau, rikia fasi, ni nau ku kania naa alaofua nau bi kamulua, ma bia kwalafamulua iburiamulua;

GENESIS 7:17

Ma olo lana kafo eki kai to sulia fai tafulu fa boṉi fafia fanua ne i iano; ma kafo eki ka baita alaa, ka kwaua aka eri, ka to iaa faisia fanua ne i iano.

GENESIS 7:15

Ma keka kotho mai satha Noa uri la aka, too ro do, too ro do iada, do eki sui bana na si maṉo ni marukia ni seeda.

GENESIS 2:7

Ma tha Jihova God e thauwai nia wane ana gegeona theegano, ka ufu sulia ro malee gwalusu nia ki asi maṉo ni marukia; ma wane eri ka bii maruki.

GENESIS 6:16

Oko thauwai nia sufua ifana aka eri, ana tee kadee aba oko alua kai sui i duuna; ma maana olofolo aka eri oki alua i ninimana; oki thauwai nia kadee faka iano, ma ruana kadee faka fafia, ma ula kadee faka na kai to susui mai iaa.