GENESIS 50:2 - Ṉa Alaofua Falu 1923 1949

² Ma tha Josefa ka ṉata fifi isana wane ni ra nia ki, na ṉa doketa, sa keki gwaia seena maka nia asi meresina ada kai dura; ma doketa eki keka gwaia seena tha Isirela asi meresina.

GENESIS 50:2 Referans Kwoze

GENESIS 50:26

Mania tha Josefa e mae, buriana ne to bana sulia tee taleṉee fa ṉali ma tafulu fa ṉali: ma keka gwaia seena asi meresina ada ka dura, sui keka alua i lala ta bokisi i Ijifi ne farana wane mae.

Mako 16:1

Ma lalae fa boṉi mamaloa e sui naa, ni Meri Makadaline, bia ni Meri thainana tha Jemesi, bia ni Salome, kera usia gwai ne makwa lea ki, fasi keka lae keka gwai nia.

Mathui 26:12

Uria ne kikia gwai nei ana seeku nania, do e ilia fasi seeku kai gwai maasia kwaiṉei laku.

Jone 12:7

Mania tha Jesus e sorea, Muki alamatania; do nei e to isana maakwalia fa boṉi na keki kwaiṉei nau ania.

Luke 24:1

Sui afa boṉi totonao ana uiki, si maṉa na kai bii dani, keka fula isana kwaiṉeia eri, keka ṉalia mai si do makwa lea ki na kera thauwai nia, ma tei ei lau bida.

Mako 14:8

Nia e ilia naa tee si do eri ne thaitoomana: e gwaia seeku totonao uria kwaiṉei lana.

GENESIS 27:41

Ma tha Iso e rikia tha Jekofo ka taa sulaania lea la eri na maka nia e alua fafi nia: ma tha Iso ka una eri i ruruuna, Fa boṉi eki na toto kuki tatao fafia maka nau ka kwaikaraṉi naa; afa boṉi eki kwai bii thauṉia thasiku na tha Jekofo.

GENESIS 50:1

Ma tha Josefa ka asi nia iano fafia maana maka nia, ka aṉi ifafona, ka nonoia.