GENESIS 48:16 - Ṉa Alaofua Falu 1923 1949

¹⁶ Angel eri ne tae faisi nau faisia si ade la eki sui bana ne taa, kai alua lea la fafia ro wela wane nei ki; ma keki alua fasi thataku, ma thatana ro maka nau eki na tha Aberahamo ma tha Aesiki fafidaroa; ma malului wane oro ki keki thafali mai ani keroa imaalutana fanua na i iano.

GENESIS 48:16 Referans Kwoze

Fa Ṉu Abu ki 34:22

Tha Jihova ka tae faisia maṉona toa ni ra nia ki: me a’i ta imole ana toa na kera fitoona si mutaia iana.

GENESIS 49:22

Tha Josefa na ṉa tharee ’ai ne fuṉu ka ololo, tharee ’ai eri e fuṉu ka ololo ka ni karaṉia malaui kafo; ma kali tharee do nia ki ka tae, ka tatha uri bali labaa ana sulufau:

GENESIS 48:5

Ma si maṉa eri ro kaluwane oe ba ki, tha Ifiremu ma tha Manasa, na kera tharedaroa ifamu i la fanua i Ijifi asi maṉa kwasi lae u mai isamu uri fanua eri i Ijifi, ro kaluwane nau ki u boo na ni keroa; talafana tha Rubeni ma tha Simiona, alafana ni keroa ṉa ro kaluwane nau ki.

II. Timothi 4:18

Ma ṉa Lord kai beta nau faisia si ra taa ki sui bana, ma kai faamaruki nau kwa fula isana tooa nia i thalo mai: keki fare inoto ani nia toto si sui. Emeni.

Hibaru ki 11:21

Ana fitooa tha Jekofo, si maṉa ba na karaṉia kai mae naa, e falea lea la ifana ro kaluwane tha Josefa ki, ta wane sui ta wane; ma ka rau i gwauna kubau nia, ka foa.

Si do Aposela ki kera ilidaki 15:17

Fasi toa na fanua nei iano keki rofe uria tha Lord, Ma Jenetaele eki sui bana, na kera alaṉida ana thataku,

Jone 17:15

Nau e ai kwasi gani oe oki ṉalida faisia fanua nei iano, ku gani oe oki beta sulida faisi nia ne taa.

Fa Ṉu Abu ki 121:7

Tha Jihova kai beta oe faisia taa la ni sui bana: nia kai betaa maṉomu.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

I. Korinitha 10:9

Bia kusi ilitoona tha Christ, ’uria lau boo tei toa iada kera ilitoona, ma wa aala ba ki ka thauṉida keka mae.

I. Korinitha 10:4

Ma kera sui kera ku’u ana tee kafo tha Spirit: uria na kera kukuu ana gwa fau tha Spirit ne lae iburiada: ma gwa fau eri na tha Christ.

Roma 8:23

Ma talifilia si do eki e ai, ni kulu lau boo, na kulu rikia naa foee do totonao na tha Spirit, ni kulu mena kulu kwai baita i ruruukulua, si maṉa kulu maakwalia thathagoni la eri na keki thathagoni kulu mania kuki wela nia ki, si maṉa ana tae la faisia seekulua neri.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

Fa Ṉu Abu ki 34:7

Angel tha Jihova e talaia omea nia keka to i la biui‐maku kera ki kakalia toa eki na kera faare baita iana, ka faamarukida.

Fa Ṉu Abu ki 34:2

I la ruruuku kwai faabaita nau atha Jihova: toa na kera thafee to faekwa toto keki roṉoa keki seethathala sulia.

GENESIS 32:28

Ma wane eri ka sorea, Kesi alaṉia lau thatamu atha Jekofo, keki alaṉia atha Isirela: sulaania o firu bia tha God ma bia imole ki, ma sii oe e tatha naa.

GENESIS 22:11

Ma angel tha Jihova ka ’ai thatana faisia i thalo lo, ka sorea, Aberahamo ae, Aberahamo ae: ma nia ka una eri, Ni nau neri.

GENESIS 22:15

Ma angel tha Jihova ruana ka ’ai thatana tha Aberahamo faisia i thalo lo,

GENESIS 46:3

Ma nia ka soreo, Ni nau tha God, ṉa God maka oe: osi mau ana sifo lamu kau uri Ijifi; sulaania i fanua eri nau kwai alu oe ṉa maka totonao ana kulee toa inoto faamau:

Fa Ṉu Abu ki 34:8

Ilitoona, muki thaitoomana tha Jihova e lea: lea iana, wane eri ne fitoona.