GENESIS 48:15 - Ṉa Alaofua Falu 1923 1949

¹⁵ Ma nia ka alua lea la fafia tha Josefa, ka una eri, Tha God, ni nia na ro maka nau inao ki, na tha Aberahamo ma tha Aesiki, kero lae inaofana, tha God ne thare nau sulia boṉi afa ṉali eki ana to laku i fanua na i iano ka fula itaraena,

GENESIS 48:15 Referans Kwoze

GENESIS 17:1

Ma si maṉa na sikwa tafulu fa ṉali ma sikwa fa ṉali e sui atha Aberamo, tha Jihova ka fula fatai isatha Aberamo, ka soree isana, Ni nau ṉa God Rigita ka Tatha; oki lae inaofana maaku, ma abula lamu kai oolo teefau.

Kolose 2:6

Mania talafana na mulu ṉalia Christ Jesus ṉa Lord, alafana na muki abula ani nia,

Hibaru ki 11:21

Ana fitooa tha Jekofo, si maṉa ba na karaṉia kai mae naa, e falea lea la ifana ro kaluwane tha Josefa ki, ta wane sui ta wane; ma ka rau i gwauna kubau nia, ka foa.

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

I. Korinitha 10:31

Mania mada sa muki faṉa, mado muki kuu, mado atona bana ta si do na muki ilia, muki ilia bamulua ifana inotoa tha God.

Luke 1:6

Ma keroa sui boo keko kokoto inaofatha God, keko abula sulia si ṉata fifi ma si ṉata too ṉado tha Lord ki, keko dodoloa.

Fa Ṉu Abu ki 37:3

Oko fitoona tha Jihova; ilia fasi si ra ne lea; to amua ii la fanua, ma oko lae buriana si ade la ne mamana.

Fa Ṉu Abu ki 23:1

Tha Jihova ka fono toi kali nau na sifi nia; nau sa kwa to ana rofe la e a’i.

Fa Ṉu Abu ki 16:8

Nau ku alua naa tha Jihova kai to ṉado inaofaku: uria na ni nia kai to bana isana aba aola nau, kera sa keki idu nau kau e a’i.

GENESIS 49:28

Akwala ma ro kulee toa Isirela ki sui bana neri: ma si ṉataa eri na maka kera e ṉata sulia isada, me alua lea la fafida, wane boo lea la nia italaana, ta wane boo lea la nia italaana, nia ka alua lea la eri fafida.

GENESIS 49:24

Ma sui basi nia ka to bana ana sukwaia, ma ro aba nia ki kera faasukwaia ana ro aba God Rigita tha Jekofo, (wane eri ni fono toi la kalia sifi ki, na gwa fau tha Isirela, ka ita mai ani nia:)

GENESIS 48:16

Angel eri ne tae faisi nau faisia si ade la eki sui bana ne taa, kai alua lea la fafia ro wela wane nei ki; ma keki alua fasi thataku, ma thatana ro maka nau eki na tha Aberahamo ma tha Aesiki fafidaroa; ma malului wane oro ki keki thafali mai ani keroa imaalutana fanua na i iano.

GENESIS 28:22

Ma gwa fau na nau ku ’ili ania ka takwe mala ta beta, nai nia, toto ṉa betana biu tha God: ma asi do eki sui bana na toto oki falea iaku, nau kwai falea boo taṉafula si do eki ifamu.

GENESIS 28:20

Ma tha Jekofo ka alaṉia ana othi la, ka una eri, Mada sa tha God kai to bi nau, kai beta suli nau sula tala nei na kwai lae kau sulia, ma kai falea akua ta si berede kwa ania, ma ta si maku kwa afisia,

GENESIS 28:3

Ma tha God ne Sukwai ka Tatha kai alua lea la fafi oe, kai adea na kwalafamu kai oro faamau ka lae alaa, fasi ina lana toa oro ki keki ita mai ani oe;

GENESIS 27:4

Oko naarea si faṉa na ani lana ka lea, si do ku thathamia neri; ṉalia mai, kwai ania; sui ruruuku kai bii alua lea la fafi oe si maṉa kwai to bakua kwasi mae u.

GENESIS 24:20

Ma nia ka lakwasia mai, ka kikia si kafo i la ma’e kafo eri, do nia ana ṉali lana kafo ka gwa’u naa, sui ruana ka fita kau isana malaui kafo eri, ka ufia lau mai, ka ufia kafo ifana kamela nia ki sui bana.

GENESIS 6:9

Si ade la ne ita mai atha Noa nai nia: tha Noa ṉa wane kokoto, ma si ade la ne ita mai ani nia si ade la oolo ki: tha Noa ka lae ofu bia tha God.

I. Thesalonika 2:12

Fasi muka abula asi abula la ne farana tha God, ne aili kamulua uria tooa nia ma inotoa nia.

GENESIS 24:40

Ma nia ka soree isaku, Tha Jihova, ni nia na nau ku lae inaofana maana, kai arasia angel nia kai lae bi oe, kai falea mamanaa fafia laea oe; ma oki tole kini fana kaluwane nau ana ina laku kera, ma faisia maafera maka nau:

GENESIS 27:27

Ma nia ka idu karani mai, ka nonoia: ma makwa lana tooni nia ki ka makwafi nia; sui ka alua lea la fafi nia, ka una eri, Lio fasi, makwa lana kaluwane nau e ’uria makwa lana masuu na tha Jihova e alua lea la fafia:

GENESIS 35:3

Kulu kau, kulu tae uri Bethele; ma ni nau kwai thauwai nia ta fulii era ni foa la iei ifatha God ne luua bae laku afa boṉi ku toto ana taa la na ba, me to bi nau sula tala nau ku lalae sulia.

GENESIS 49:22

Tha Josefa na ṉa tharee ’ai ne fuṉu ka ololo, tharee ’ai eri e fuṉu ka ololo ka ni karaṉia malaui kafo; ma kali tharee do nia ki ka tae, ka tatha uri bali labaa ana sulufau: