GENESIS 47:27 - Ṉa Alaofua Falu 1923 1949

²⁷ Ma kwalafaa tha Isirela keka to bada i la fanua i Ijifi, la bali fanua i Goseni; ma keka rikii do iei, keka tae, keka oro faamau ka lae alaa.

GENESIS 47:27 Referans Kwoze

GENESIS 46:3

Ma nia ka soreo, Ni nau tha God, ṉa God maka oe: osi mau ana sifo lamu kau uri Ijifi; sulaania i fanua eri nau kwai alu oe ṉa maka totonao ana kulee toa inoto faamau:

Si do Aposela ki kera ilidaki 7:17

Sui lalae si maṉa ana alaṉaia ba, na tha God e othi ania atha Aberahamo, e kwaikaraṉi naa, toa eri e baita ma ka oro alaa i Ijifita,

Fa Ṉu Abu ki 107:38

Ni nia ka falea lau boo mamanaa ifada, adedea keki oro alaa; me a’i si alamatai nia aini katele kera ki si oli toli.

Fa Ṉu Abu ki 105:24

Ma tha God ka safua toa nia ki keka oro faamau, ka faasukwaida keka sukwai ka tatha ana maalimae kera ki.

GENESIS 26:4

Ma ni nau kwai adea kwalafaa oe kai oro alaa, alafana fa bubulu lo i thalo ki mai, ma kwai falea fanua nei ki sui bana ifana kwalafaa oe ki; ma ana kwalafaa oe keki alua lea la ifana ina lana toa eki sui bana na ni fanua na i iano;

Nehemiah 9:23

Ma kwalafaa kera ki o adea keka oro faamau ka lae alaa, ka ’uria bubuluna thalo lo, mo talaida mai uria fanua eri no alaṉai nia ifana maka totoṉao kera ki, sorea sa keki lae uria, keki ṉalia ifada italaada.

GENESIS 28:14

Ma kwalafamu keki ’uria gegeona theegano, ma oki lae tathaa uri bali su lana thato, ma ibali tae lana, ma uri notoa ma uri mutana: ma ani oe ma ana kwalafamu keki alua lea la fafia ina lana toa eki sui bana na ni fanua na i iano.

GENESIS 17:6

Ma ni nau kwai alua kwalafamu kai oro faamau ka lae alaa, ma nau kwai adea na kulee toa ki keki ita mai ani oe, ma kiṉa ki keki ita mai ana seemu.

GENESIS 13:16

Ma ni nau kwai adea na kwalafamu keki ’uria gegeona theegano: mada sa ta wane ka thaitoomana teemai lana gegeona theegano, kai teemai nia lau boo kwalafamu.

GENESIS 8:9

Ma sui bola rafu eri e a’i si fulatoona ta si kula ni mamaloa ifana lofona ’aena, ka oli lau mai isana uri la aka, sulia na kafo eki ni fafia maana fanua ne i iano sui bana: sui nia ka tekwasia kau abana, ka rauria, ka ṉalia mai uri la aka.

GENESIS 8:7

Ma nia ka arasia kau tee thaaro boboraa, na ka lofo olili ka fula asi maṉa na kafo eki ka a’i naa faisia ifafona fanua ne i iano.

GENESIS 34:10

Ma muki to ofu bi kamilia: ma fanua nei kai laa inaofamulua; to si amulua i lala, muka ra ana todado la, muki todaa ogogonia ki kunei.

GENESIS 35:11

Ma tha God ka una eri isana, Ni nau ṉa God Sukwai ka Tatha: kwalafamu keki oro faamau ka lae alaa; kulee toa ma aini kulee toa ki keki ita mai ani oe, ma kiṉa ki keki ita mai i matoṉamu;

GENESIS 47:11

Ma tha Josefa ka alua maka nia ma doorana kera keki to ada, ka falea si kula thatada i la fanua i Ijifi, ana bali fanua eri ne lea ka tatha, na fanua i Ramasesi neri, sulia si do na tha Fero e ṉata sulia na ba.