Ma tha Juda ka ṉata isana, ka una eri, Wane eri e ṉata fifi faamau isamilia, ka una eri, Thasimulua eri mada sa e a’i si ni mai bi kamulua, e a’i dodoloa muki lio i maaku.
Ma sui mado so lalakwee arasi nia, kamilia sa mika sifo kau e a’i; uria na wane eri e sorea naa isamilia, Thasimulua eri ka a’i faisi kamulua, e a’i dodoloa muki lio i maaku.
Ma nia ka una eri, Rikia fasi, nau ku roṉoa ta si koni kai to bana i Ijifi: muka sifo fasi uri fanua eri, muka usi mai ifakulua iei; fasi kuka maruki bakulua, ada kuka mae.
Ma toto kera ania si koni eri na kera ṉalia mai i Ijifi na ba, e daṉa naa, maka kera ka soree lau isada, Muka oli si lau, muka usia mai kasi faṉa iakulua.
Ma ni kamilia mika una eri, Mika dora ania sifo la kau: mada sa thasimilia ne susu buri kai lae bi kamilia, mika bii sifo kau: uria na thasimilia ne susu buri e a’i faisi kamilia, kera lufi kamilia misi lio i maana wane eri.