Ma lalae mai, si maṉa na ta wane iada e lubea wai nia fasi kai lafua ta si faṉa ifana ase nia i la biu toa kwaitaa ki, nia ka rikia malefo nia eri; sulaania, rikia fasi, e ni maana wai nia.
Muka ṉalia fasi i abamulua malefo ne talaana ro si maṉa ana usi la; ma malefo eri na mulu oli fafia i maana wai kamulua ki na ba, ruana muka ṉalia lau i abamulua; mado e a’i si do na kera alu garo ania neri:
Ma lalae kau, mika fula naa isana maafera toa kwaitaa ki, mili lubea wai kamilia ki, ma, rikia fasi, malefo kamilia, ne kulua sulia kulua lana inao mai, ka to bana i maana wai kamilia ki, wane boo malefo nia i wai nia, ta wane boo malefo nia i wai nia: sui mili oli fafia, ka ni lau bana i abamilia.
Ma ni nia ka sorea, Enenoa kai to ani kamulua; musi mau: God kamulua eri, na ṉa God maka kamulua, e falea mai ogogonia i la wai kamulua eki: ni nau ku rikia naa malefo kamulua ba. Ma nia ka talaia mai tha Simiona isada.