GENESIS 43:14 - Ṉa Alaofua Falu 1923 1949

¹⁴ Ma nau ku thathamia na tha God ne Sukwai ka Tatha kai adea na muki fulatoona tatakomi la inaofana wane eri, fasi kai arasia mai dooramulua ba ma tha Benijamini. Mada sa wela nau ki keka mae faisi nau, kwai inamae bonaa.

GENESIS 43:14 Referans Kwoze

GENESIS 17:1

Ma si maṉa na sikwa tafulu fa ṉali ma sikwa fa ṉali e sui atha Aberamo, tha Jihova ka fula fatai isatha Aberamo, ka soree isana, Ni nau ṉa God Rigita ka Tatha; oki lae inaofana maaku, ma abula lamu kai oolo teefau.

Si do Aposela ki kera ilidaki 21:14

Ma si maṉa ne ai si alamatai kamilia mika bulasia ruruuna, mili to faisia, mili una eri, Keki ilia si do na ṉa Lord e thathamia.

Nehemiah 1:11

Arai Lo ae, nau ku ṉata kwaitakoi kau isamu, alamatai nia fasi aliṉamu kai fafuroṉoa foa la wane ni ra oe, ma foa la toa ni ra oe nei ki, na mili thathamii faare baita ana thatamu: ma oko falea fasi mamanaa ifana wane ni ra oe itaraena, oko falea tatakomia ifana i maana wane nei. (Uria ni nau wane ku ṉalia titiu ni kuu la ifana kiṉa nei.)

Fa Ṉu Abu ki 119:41

Alua fasi tatakomia oe ki kai fula lau bomai isaku, Jihova ae, na faamaruki la noki faamaruki nau mania neri sulia bae lamu.

Fa Ṉu Abu ki 100:5

Uria na tha Jihova e lea; tatakomia nia kai toto si sui; ma mamana lana isana unii wane sui boo ni u ki mai.

GENESIS 22:14

Ma tha Aberahamo ka alaṉia thatana si kula era ana Jihova‐jaera: sulia si do keka sorea ka fula ana itaraena, Do keki rikia i la gwa tolo tha Jihova neri.

II. Jone 1:3

Lea la, tatakomia, enenoa kai to bi kamulua, ita atha God na Maka, ma atha Lord Jesus Christ, Kaluwane ṉa Maka, ana mamana la ma liothau la.

Taetasi 1:4

Isatha Taetasi, wela mamana nau asi do eki na koro fitoona: Lea la, tatakomia, ma enenoa, ita atha God na Maka ma tha Lord Jesus Christ ne faamaruki kulu.

I. Timothi 1:16

Sui kera doanita ani nau uria si kula eri neri, na tha Jesus Christ kai fatai nia si lio nia ni doanita tatha la ani nau wane ku abula taa ka tatha, fasi toa na toto keki fitoona uria marukia tatha keki rikia, keki thaitoomana.

I. Timothi 1:2

Isatha Timothi, wela mamana nau ana fitooa: Lea la, tatakomia, enenoa, ita atha God na Maka kulu ma tha Jesus Christ na Lord kulu.

Si do Aposela ki kera ilidaki 7:10

Me faamaruki nia faisia taa la eki sui bana ne toto ania, ma ka falea si do kera ala fafia ifana ma liotooa inaofatha Fero ne kiṉa i Ijifita; ma wane eri e alu nia kai inoto fafia Ijifita ma toaa nia sui boo.

Luke 1:50

Ma tatakomia nia kai to bana fafia toa na kera mau ani nia Too ata unii wane lae ka fula ata unii wane.

GENESIS 42:36

Ma maka kera na tha Jekofo ka soree isada, Kamulua mulu faainamae nau neri: tha Josefa e a’i faisi nau, ma tha Simiona ka a’i faisi nau, ma mulu thathamia sa muki lafua tha Benijamini: si ade la eki sui bana ne maalimae iaku.

GENESIS 42:24

Ma nia ka abula faisida, ka aṉi; sui ka oli lau mai isada, ka ṉata bida, ka talaia tha Simiona faisi kera, ka kani fafi nia i maada.

GENESIS 39:21

Ma sui tha Jihova e to bia tha Josefa, ka tatakomi nia ana ade lea lana, ka adea na wane ne nanao ana lokafu eri ka riki nia ka lea.

GENESIS 35:11

Ma tha God ka una eri isana, Ni nau ṉa God Sukwai ka Tatha: kwalafamu keki oro faamau ka lae alaa; kulee toa ma aini kulee toa ki keki ita mai ani oe, ma kiṉa ki keki ita mai i matoṉamu;

GENESIS 28:3

Ma tha God ne Sukwai ka Tatha kai alua lea la fafi oe, kai adea na kwalafamu kai oro faamau ka lae alaa, fasi ina lana toa oro ki keki ita mai ani oe;

Fa Ṉu Abu ki 85:7

Oko fatai nia tatakomia oe isamilia, Jihova ae, oko falea mai marukia noki faamaruki kamilia mania.

Jone 19:22

Tha Paelate e luuda, ka una eri, Si do nau ku keda, ku keda bonaa.

GENESIS 43:13

Talaia fasi thasimulua lau boo; tatae, muka lae isana wane eri:

Fa Ṉu Abu ki 106:46

Nia ka alua lau boo si lio ni tatokomi la i ruruuna toa eki sui bana na omea kilua e lauda.

GENESIS 44:12

Ma wane eri ka rofe, ka thafalia ana ulunao, rorofe ka fula ana susu buri: ma do eri ne ’uria titiu, keka rofetoona i la wai tha Benijamini.