GENESIS 42:13 - Ṉa Alaofua Falu 1923 1949

¹³ Ma keka una eri, Wane ni ra oe nei ki na ṉa akwala ma ro wai doorana, ṉa kaluwane tee nonii wane boo i la fanua i Kenana; ma, rikia fasi, susu buri ka to bana bia maka kamilia itaraena, ma tee nonii wane iamilia e mae naa.

GENESIS 42:13 Referans Kwoze

GENESIS 37:30

Sui ka oli lau isana thasina kera, ka una eri, Wela eri e a’i si to bana; ma ni nau kwai lae nakua urifei?

GENESIS 44:20

Ma ni kamilia mili una eri sana wane inoto nei, Amilia tee maka, na wane ne arai naa; ma ana tee wela ne kwalafia asi maṉa ne arai naa neri; wela eri e faekwa; ma thoona e mae naa, ma talifili nia ka ni u bana ana kaluwane thainana ki, ma maka nia ka liothau ani nia.

GENESIS 42:32

Kamilia akwala ma ro wai doorana, amilia tee maka boo; tee nonii wane iamilia e mae naa, ma susu buri kai to bana bia maka kamilia itaraena i la fanua i Kenana.

GENESIS 43:7

Ma keka sorea, Wane eri e soefifirisia ani kamilia uria to lamilia, ma ina lamilia kera, ka una eri, Maka kamulua ka maruki u bana? amulua lau ta doora? ma ni kamilia mili faaroṉoa asi do eki ne soetoona ana ṉata lana: nifana ade lana sa miki thaitoomana boo sa nia kai sorea, Talaia fasi thasimulua kai sifo mai?

Mathui 2:18

Kera roṉoa liṉana si do i Rama, Aṉi la ma tatao la baita, Ni Resela kei eṉisia wela nia ki; Me ai si thathamia sa keka faainamaruki nia, uria na kera ai naa.

Mathui 2:16

Ma tha Heroda, si maṉa ne rikia toa ba liode too kera malaoe nia, ka rakeiri faamau, ma ka kwaiasuwai, keka thau teefau ana kala wela ana wela wane ki na kera to i Bethelihemo, bia wela i oli lana fanua eri sui boo, ana wela sulia ro fa ṉali ki bia wela ne ai u ada ta ro fa ṉali, to sulaania si maṉa e soefifirisia ana toa liode too.

GENESIS 45:26

Ma keka faaroṉo nia, keka una eri, Tha Josefa kai maruki u bana, ma ni nia wane nanao ni tatha la inaona fanua i Ijifi ni sui bana. Ma tha Jekofo ka maketho i ruruuna, uria ne a’i si faamamanea ṉata lada.

GENESIS 44:28

Ma ulunao e lae kau faisi nau, ma nau ku sorea na ba, E a’i si e’i kera seṉaa boo asi kadee do ki; ma ita asi maṉa ba nau kwasi riki nia lau:

GENESIS 42:38

Ma nia ka sorea, Kaluwane nau nei e a’i dodoloa ka sifo kau bi kamulua; uria na thoone mae naa, ma talifili nia na ka to: mada sa taa la ka fulatoona sula tale na muki lae ania, muki adea na ifuku, ne kwao naa, kai sifo uri la kwaiṉeia ana liodilaa.

GENESIS 42:36

Ma maka kera na tha Jekofo ka soree isada, Kamulua mulu faainamae nau neri: tha Josefa e a’i faisi nau, ma tha Simiona ka a’i faisi nau, ma mulu thathamia sa muki lafua tha Benijamini: si ade la eki sui bana ne maalimae iaku.

GENESIS 42:11

Kamilia sui boo baree wela tee nonii wane boo; wane mamana ki na ni kamilia, wane ni ra oe ki na ṉa toa ana urai la e a’i bana.

GENESIS 42:12

Ma nia ka soree isada, E a’i; si do na mulu lae mai uria na ṉa bubuṉi lana fanua nei ne a’i ta do lea si ni iei.

GENESIS 42:14

Ma tha Josefa ka soree isada, Sulia ṉata laku isamulua, be una eri, Kamulua ṉa wane ana urai la ki:

GENESIS 43:29

Ma nia ka tafoa maana, ka rikia thasina na tha Benijamini, na kaluwane thainana, ka una eri, Thasimulua ba na mulu ṉata sulia isaku nania, mado? Ma nia ka una eri, Kaluwane nau ae, tha God kai kwaiofei uri oe.