GENESIS 41:8 - Ṉa Alaofua Falu 1923 1949

⁸ Ma lalae mai, i la si uusuwadia, ka taa i la ruruuna; ma nia ka kwaiarasi, ka ailia mai aofia ni foa la ki sui bana i Ijifi, ma wane liode too ki sui boo i fanua eri: ma tha Fero ka faaroṉoda ana moosubole nia eri; ma sui e a’i ta wane si to bana ne talaana toolaṉai lana isatha Fero.

GENESIS 41:8 Referans Kwoze

Mathui 2:1

Ana si maṉa na tha Jesus e futa i Bethelihemo, fanua i Judia, maṉa tha Heroda e kiṉa, rikia fasi, wane na liode too ki kera too mai ibali tae lana thato keka lae mai uri Jerusalema,

GENESIS 40:8

Ma keko soree isana, Kamarea mere moosubolea moosubole, me a’i ta wane si to bana sa kai toolaṉai nia ifamarea. Ma tha Josefa ka soree isadaroa, Tha God ana ne thaitoomana toolaṉai lana tarifulaa ki, mado? Nau ku thathamia sa moka faaroṉo nau mania.

GENESIS 40:6

Ma tha Josefa ka kotho isadaroa i la si uusuwadia, ka lio uri keroa, ma rikia fasi, liodaroa e dila.

I. Korinitha 1:19

Uria na kera keda, Nau kwai labatania liotooa toa na liode too ki, Ma manata kali lana toa na kera manata kali nau kwai tofe faisia.

Si do Aposela ki kera ilidaki 17:18

Ma tei wane ana Epikureana ki ma Sitoika ki, toa na kera thathamia manata lea la, keka fulatoona. Ma tei toa keka sorea, Si ta na wane na kai tona ṉataṉata nania ka thathamii sorea? ma tei toa lau, E ’uria sa nia fatai nia god eeta ki: sulaania e ṉata sulia tha Jesus ma tatae la faisia toa mae ki.

Si do Aposela ki kera ilidaki 7:22

Ma kera to’oa si do ki sui bana ana liotooa toa i Ijifita ki isatha Mosesi; ma nia e sukwai ana ṉata lana ma abula lana.

Fa Ṉu Abu ki 25:14

Si do thaufuni tha Jihova ni sana toa eki na kera faare baita iana; ma nia kai fatai nia alaofua nia isada.

GENESIS 41:7

Ma fiu fuṉii koni eki na foana ka ununa ka dudumeme ana fiu fuṉii koni ne kobu ma ka lea. Ma tha Fero ka tharai, ma, rikia fasi, moosubole neri.

GENESIS 41:15

Ma tha Fero ka soree isatha Josefa, Nau ku moosubolea moosubole, me a’i ta wane si to bana ne talaana toolaṉai lana: ma nau ku roṉo oe, kera sorea suli oe o talaana thaitoomana lana maalutana moosubole, fasi oki toolaṉai nia.

GENESIS 41:24

Ma fuṉii koni eki na foane ununa keka dudumeme ana fiu fuṉii koni eki ne lea: ma nau ku faaroṉoa aofia ni foa la ki; ma sui e a’i ta wane si to ne talaana inifita lana ifaku.