GENESIS 39:9 - Ṉa Alaofua Falu 1923 1949

⁹ E a’i ta wane i maafera nei si baita si tatha ani nau; ma nia e a’i si lufia ta si do faisi nau, talifili oe boo, uria na kwaina na ni oe; mania nifana ade lana fasi kwa ilia si do nei ne taa ka tatha, kwa abula taa uria tha God?

GENESIS 39:9 Referans Kwoze

GENESIS 42:18

Ma ana ula fa boṉi eri tha Josefa ka soree isada, Si ade la na muki ilia na muki maruki sulia nania; uria ni nau ku faare baita atha God:

GENESIS 20:6

Ma tha God ka soree isana ana moosubole, Iu, do ku thaitoomana neri; o ilia si do ba asi lio mamana i ruruumu; mania ni nau lau boo ku suusi oe osi abula taa uri nau: sulia si kula eri nau e a’i kwasi alamatai oe oki suana kini eri.

I. Jone 3:9

Ni tei bana ne futa atha God e ai si abubula taa lau, sulaania si lio ana Maka nia e to ani nia: ma nia dora ania abula taa la, sulaania nia futa atha God.

Luke 12:48

Ma wane ne ai si thaitoomana bana, ma ka ilia si do ne farana keki kwae nia fafia, keki kwaea ana ṉada fa kwae la seena kai aliliboa. Uria ni tei bana na kera falea do oro ifana, ni nia keki sorea kai oli fafia do oro: ma wane na kera takofale nia asi do oro, ni nia keki soetoona uria do oro.

Fa Ṉu Abu ki 51:4

Ni oe, talifili oe, na nau ku abula taa iamu na ba, ku ilia do taa nei no rikia ana maamu: fasi keki ala fafia kokoto lamu maṉa o bae mai, liomu kai dodoloa asi maṉa noki bae mala wane ni kotu.

I. Korinitha 4:2

Ma sui lau boo, si maṉa na kera takofalea ta wane ana ta si do, keki rofea wane ne mamana.

Nehemiah 5:15

Wane gafumanu ki na kera gwauwai, na kera toto inaoku, kera suuwai nia toa eki keka usida boo, keka ṉalia ta si faṉa ma ta si waene faisida, fai tafulu sekele ana silifa ka safua; iu, wane ni ra kera ki mena keka thasi naunau uria toa eki: ni nau molo, uria faare baita la na nau ku faare baita atha God, e a’i kwasi ade una eri.

Si do na kera fatai nia 22:15

Uria na koito ki ni thara, ma toa ba ki na kera ra ana sukwaia spirit taa ki, ma toa ba ki ni oe la, ma toa ba ki ni thauwane la, ma toa ba ki ni foa la ana god eeta ki, ma ni tei bana ne thathamia lole la ma kai lole ana.

Hibaru ki 13:4

Keki fare baita ana lumaa i maalutana toa na fanua, ma kesi faasua fitei eri: uria na toa na kera oe ma toa na kera oe fafia kwaida tha God na Wane ni Kotu kai ṉata sulia.

Taetasi 2:10

Kesi abula dodora, ma keki fatai nia ṉado mamana lada ne lea; fasi keki ilia na keka taṉoa kwaifamanataia tha God ne faamaruki kulu asi do ki sui bana.

Nehemiah 6:11

Ma nau ku una eri, E farana wane ’uri nau sa ka thaka, mado? ma ni tei neri ne ’uri nau, una ena mena, kai kotho i la biu baita tha God sa kai faamaruki nia italaana? Nau sa kwa kotho iei, e a’i.

GENESIS 41:40

Ni oe oki nanao ana maafera nau, ma toa nau ki sui boo keki roo sulia bae lamu: talifili nau, na ku ono ana do ni ono la kiṉa, kwai inoto ka tatha iamu.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

GENESIS 24:2

Ma tha Aberahamo e soree isana ulunao ana wane ni ra nia ki ne inoto asi do ne rikidaki sui boo, Nau ku thathamia oki alua abamu ifara thafaku:

GENESIS 20:3

Ma sui tha God ka fula isatha Abimileka ana moosubolea afa rodo, ka soree isana, Rikia fasi, ni oe wane mae inunufana kini ba no tolea na ba; uria ni nia na ilee ai.

GENESIS 13:13

Ma sui wane eki i Sodoma liode taa ma kera abula taa faamau inaofatha Jihova.

GENESIS 20:9

Sui tha Abimileka ka ailia mai tha Aberahamo, ka una eri isana, Si ta neri no ilia iamilia na ba? ma ni nau ku faataofai oe ana ta, no alua fafi nau ma fafia tooa nau abula taa lamilia eri ne baita? o ade una eri iaku asi ade la na kera lufia ta wane si ilia.

GENESIS 39:10

Ma lalae mai, si maṉa na kini eri kai ṉata uria tha Josefa sulia boṉi, ni nia e a’i si roṉoa, ka lalakwee teo isana, ka lalakwee to ofu bi nia.