GENESIS 37:25 - Ṉa Alaofua Falu 1923 1949

²⁵ Ma keka ono bada fasi keki ania si berede: ma kera tafoa maada keka lio, ma, rikia fasi, laea ana kwalafaa tha Isimela keki lae na mai faisia i Giliata, bia kamela kera ki, na keka ṉalia si do makwa lea ki, ma ta si baoma, ma ta si mura, keka lae nada fasi keki sifo fafia uri Ijifi.

GENESIS 37:25 Referans Kwoze

GENESIS 43:11

Ma maka kera na tha Isirela ka soree isada, So e una eri asi maṉa eri, si ade la na muki ilia nania; ṉalia kau i la kwadee do kamulua ki tei do ana foee do lea ka tatha ki na i fanua nei; muka sifo fafia si do na muki tona falea ifana wane eri, ta kasi baoma, ta kasi dudueliṉa, tei do makwa lea ki, ta si mura, tei foee ’ai ki ne ṉilo, ma tei fa ṉali:

GENESIS 37:28

Ma tei toa i Midiana na keka usi do ana todado la ki, keka tatha sula tala; ma kera abaa tha Josefa, keka tafoa mai faisia malau eri, keka usi atha Josefa ifana toa eki ana kwalafaa tha Isimela, usi lana ro tafulu malefo asi silifa. Ma toa eki keka talaia tha Josefa uri Ijifi.

GENESIS 37:36

Ma wane eki i Midiana keka usi ani nia i Ijifi ifatha Botifa, na wane inoto ana ra tha Fero ne tatha inaona omea ni fono toi la kali nia.

Fa Ṉu Abu ki 14:4

Imole ni sui bana na kera ra asi ra na kera lufidaki kesi thaitoomana maalutana si do ki, mado? na keka ani teefau ana toa nau ki ’uria sa kera ania ta si berede, me a’i kesi ’ei thatana tha Jihova,

GENESIS 39:1

Ma keka talaia tha Josefa ka sifo uri Ijifi; ma tha Botifa, ṉa wane ni ra tha Fero ne tatha inaona omea ni fono toi la kali nia, ṉa wane i Ijifi, ka usia mai i abana wane eki ana kwalafaa tha Isimela na kera talaia mai ka sifo uri fanua eri.

GENESIS 31:23

Ma nia ka talaia ina lana kera bi nia, ka tari buriana ana laea ne talaana fiu fa thato; lalae keka fulatoona i la tolo eri i Giliata.

Fa Ṉu Abu ki 83:6

Biui‐maku Idomo ki ma kwalafaa tha Isimela; Moaba ma kwalafaa ni Hega;

GENESIS 31:21

Mania e thaka ana fafia ogogonia nia ni sui bana; ma nia ka tatae, ka ulufolo ana kafo baita eri, ka alua maana kai lio uria gwa tolo eri i Giliata.

GENESIS 37:24

Ma keka rau nia, keka naṉa ania uri la tee malau: ma malau eri e gwa’u, e a’i ta si kafo si ni iei.