GENESIS 37:18 - Ṉa Alaofua Falu 1923 1949

¹⁸ Ma si maṉa na kera riki nia ni da u mai, asi maṉa eri mena ne a’i si fula u mai karaṉi kera, keka bii furia ṉataa fafi nia fasi keka thauṉia.

GENESIS 37:18 Referans Kwoze

Si do Aposela ki kera ilidaki 23:12

Ma lalae dani naa, Ju ki kera ṉata ofu, keka sorea taa la baita kai to fafi kera i talaada, mada sa keka faṉa mado keka kuu si maṉa na kesi thauṉia u tha Polo.

Mako 14:1

Ro fa boṉi e to ana fafaṉa tathafafi la ba bia fafaṉa berede e ai ta lefena iei: ma wane inoto ni foa ki bia wane ni kekeda ki kera rofe fufuli uria si ade la na keki ilia keki uida asi afe, fasi keki thauṉi nia:

Fa Ṉu Abu ki 37:32

Wane taa ka fono toi faisia wane kokoto, ka rofe uria si ade la kai ilia sa kai thauṉia.

Fa Ṉu Abu ki 37:12

Wane taa eri ka manataia si do taa uria wane kokoto, ka didilifo uri nia.

Jone 11:53

Mania ita afa boṉi eri ka lae alaa keki furia ṉata suli nia si ade la na keki ilia fasi keka thauṉi nia.

Fa Ṉu Abu ki 31:13

Uria na ni nau ku roṉoa ṉata lana toa oro na kera lole fafi nau, do kwaifamaui ta bali si e’i boo: si mana na keka furi ṉataa suli nau, keka ṉata sulia si ade la sa keka ilia fasi keki thauṉi nau kwa mae.

Mako 12:7

Ma toa eki na kera ra ana oolee faene eri keka sorea uri kera i talaadalua, Wane na kai tae fulii ana maka nia nania; kulu thauṉia akulua, ma si do na maka nia sa kai akwasia isana kai to ifakulua.

Mathui 27:1

Ma lalae uusuwadia naa, wane inoto ni foa ki sui bana bia ulunao ana toa eki keki furia ṉata see tha Jesus fasi keka thauṉi nia:

Mathui 21:38

Ma si maṉa na toa eri na kera ra ana oolee faene eri kera rikia kaluwane nia, keka sorea uri kera i talaadalua, Wane na kai tae fulii ana maka nia nania; kulu thauṉia akulua, fasi si do na maka nia sa kai akwasia isana kuki ṉalia ifakulua.

Fa Ṉu Abu ki 109:4

Ni nau ku liothau iada; ni kera molo kera duua liothaua eri ana tae la suusi nau: ma sui ni nau ku foa bakua.

Fa Ṉu Abu ki 105:25

E akeletai nia ruruuda keka rikia toa nia ki ka taa, keka abula dodora uria toa ni ra nia ki.

Fa Ṉu Abu ki 94:21

Kera ofu, keka furi ṉataa uria labatai lana maṉona wane kokoto, keka ala fafia mae lana wane ne a’i si ilia ta si do taa.

GENESIS 37:19

Ma keka soree uri kera kwailiu, Rikia fasi, wane nei ni moosubole la kai lae na mai.

GENESIS 27:41

Ma tha Iso e rikia tha Jekofo ka taa sulaania lea la eri na maka nia e alua fafi nia: ma tha Iso ka una eri i ruruuna, Fa boṉi eki na toto kuki tatao fafia maka nau ka kwaikaraṉi naa; afa boṉi eki kwai bii thauṉia thasiku na tha Jekofo.

GENESIS 50:15

Ma thoona tha Josefa ki, toto kera rikia naa na kera inamae ana maka kera, keka bii una eri, Mado e a’i tha Josefa kai riki kulu ka taa, ma kai duua mamana boo abula lakulua ni sui bana ne taa uri nia na ba.

GENESIS 50:20

Ni kamulua na mulu onotoona si do taa uri nau na ba; tha God ana e onotoona si do lea asi ade la eri, ka ilia si do ne mamana naa itaraena neri, ka adea na toa oro keki to bada ana marukia.

Fa Ṉu Abu ki 31:14

Una ena mena, nau ku takofale nau iamu, Jihova ae: nau ku una eri, God nau na ni oe.