GENESIS 32:10 - Ṉa Alaofua Falu 1923 1949

¹⁰ Nau e a’i kwasi farana si do ne faekwa asia boo faisia tatakomi la oe ba ki sui bana ma mamana la oe ni sui bana, no fatai nia ifana wane ni ra Oe nei, sulaania ana talitoona bana kubau nau, ku tona tatha rarafolo ania i Jodana nei; ma si mana eri ro bali laea ki keka safu nau.

GENESIS 32:10 Referans Kwoze

Fa Ṉu Abu ki 18:35

O falea lau bomai talo eri iaku, na ṉa marukia no faamaruki nau mania: ma aba aola oe e rau ani nau iaa, ma abula seseka la oe e faabaita nau.

GENESIS 24:27

Ma nia ka una eri, Keki taṉoa tha Jihova, na God wane inoto nau na tha Aberahamo, ne a’i si luka faekwa ana wane inoto nau sa kai to ithara faisia tatakomia nia ma mamana lana: si maṉa ku lalae sula tale na ba, tha Jihova e talai nau mai uria maafera ina lana wane inoto nau.

I. Pita 5:5

Una eri lau boo, toa bii baita ki, muki roo sulia toa na kera arai ki naa. Iu, ni kamulua sui boo muki ali kamulua ana thafee to faekwa la, fasi muki ra kwailiu ifamulua: uria na tha God e maalimae ana toa na kera fafakao kera, ma kai falea lea la ifana toa na kera thafee to faekwa.

II. Korinitha 12:11

Nau ku oewanea naa ana faabaita laku i talaaku: kamulua mulu suuwai nau ania; uria do kokoto sa ni kamulua muki ṉata suli nau: sulaania nau kwasi aru buri ana toa na kera inoto ka tatha i maalutana aposela ki, boro so ni nau tonee do ni mena.

Luke 17:10

Una eri lau boo ni kamulua, lalae mulu ilia naa si do eki sui bana na kera soree isamulua, muki sorea, Kamilia toa ni ra na misi lea uria ta si do; mili ilia bamilia si do ne lea na miki ilia maana si do.

Luke 5:8

Ma si maṉa na tha Saimona Pita e rikia, nia ka asi nia isana ururu tha Jesus, ka una eri, Oki lae faisi nau; uria nau wane ku abula taa, Lord.

Fa Ṉu Abu ki 85:10

Si lio ni tatakomi la, ma si ade la ne mamana kero toda ani keroa; kokoto la ma enenoa kero nonoi keroa kwailiu.

Fa Ṉu Abu ki 84:7

Ita asi kula sukwai, keki lae uria si kula sukwai ka tatha, kera sui, ta imole si e’i boo, keka to fatai inaofatha God i Saeono.

Fa Ṉu Abu ki 61:7

Nia kai to bana inaofatha God toto si sui: thathaia fasi tatakomia ma mamana la fasi kai beta suli nia.

Fa Ṉu Abu ki 16:2

Nau ku una eri isatha Jihova, Arai nau na ni oe: ni oe e a’i faisia, e a’i akua ta lea la.

Fa Ṉu Abu ki 8:5

Uria no thauwai nia ka suka faekwa ifara tha God, oki erea gwauna ana inotoa ma faare baita la.

GENESIS 32:7

Sui tha Jekofo ka mau faamau, ma ka isi fulfuli: ma nia ka ukalia toa eki na kera to bi nia, ma feree sifi ki, ma katele ki, ma kamela ki, ana ro bali laea ki;

GENESIS 32:5

Ma nau ku rikii do ana buloka ki, ma ase ki, ma feree sifi ki, ma wane ni ra ki, ma kini ni ra ki: ma nau ku kwaiarasi kau fasi kwai faaroṉoa wane inoto nau ania, fasi kwai fulatoona kwaiofei la i maamu.

GENESIS 30:43

Ma wane eri ka baita faamau ka lae alaa, ka rikii do ana feree do oro ki, ma kini ni ra ki, ma wane ni ra ki, ma kamela ki, ma ase ki.

GENESIS 28:15

Ma, rikia fasi, ni nau kwai to bi oe, kwai beta suli oe asi kula ni sui bana noki lae uria, sui kwai oli fafi oe uri fanua nei, uria na ni nau e a’i kwasi akwasi oe, maasia si maṉa na toto kwai ilia si do ku ṉata sulia isamu na ba.

GENESIS 18:27

Ma tha Aberahamo ka luua, ka una eri, Rikia fasi si maṉa eri, ni nau ku seeraraa kwai ṉata isana Arai Lo, ni nau ṉa do asi gegeona theegano ma foa;

GENESIS 24:12

Ma nia ka una eri, Jihova ae, God wane inoto nau na tha Aberahamo, nau ku thathamia oki falea mamanaa iaku afa boṉi nei, ma oki fatai nia ade lea lamu uria wane inoto nau na tha Aberahamo.

GENESIS 28:13

Ma, rikia fasi, tha Jihova ka takwe mai i gwauna, ka una eri, Ni nau tha Jihova, na God kokoo oe na tha Aberahamo, ma God tha Aesiki: fanua nei, noko teo iei, kwai falea ifamu, ma ifana kwalafamu:

GENESIS 31:3

Ma tha Jihova ka soree isatha Jekofo, Oli kamua uria fanua maka oe na inao ki, ma uria ina lamu kera; ma ni nau kwai lae bi oe.