Biblia Todo Logo
Bib sou entènèt

- Piblisite -




GENESIS 31:3 - Ṉa Alaofua Falu 1923 1949

3 Ma tha Jihova ka soree isatha Jekofo, Oli kamua uria fanua maka oe na inao ki, ma uria ina lamu kera; ma ni nau kwai lae bi oe.

Gade chapit la Kopi




GENESIS 31:3
26 Referans Kwoze  

Ma, rikia fasi, ni nau kwai to bi oe, kwai beta suli oe asi kula ni sui bana noki lae uria, sui kwai oli fafi oe uri fanua nei, uria na ni nau e a’i kwasi akwasi oe, maasia si maṉa na toto kwai ilia si do ku ṉata sulia isamu na ba.


Ma tha Jekofo ka una eri, God ae, na God maka inao nau eri na tha Aberahamo, ma God maka nau na tha Aesiki, ni oe tha Jihova no soree isaku na ba, Oli kamua uri fanua oe, ma uria isana ina lamu kera, ma ni nau kwai ade lea iamu:


Thathami lana malefo kai ei naa faisia abula lamulua; muki seeeno asi do na muka rikidaki: uria ni nia e sorea, Sa kwa akwasi oe e ai dodoloa, me ai dodoloa sa kwa luka faekwa ani oe.


Moko ’ai thataku afa boṉi ana taa la; nau kwai faamaruki oe boo, ma ni oe oki bii faare inoto iaku.


Ni nau ṉa God i Bethele, si kula no gwaia beta ba iei, mo alaṉai isaku ana othi la na ba: tatae fasi si maṉa eri, lae kamua faisia fanua nei, ma oki oli uria fanua ina lamu kera.


Ma lalae mai asi mana eri, tha Abimileka ma tha Faekolo, ṉa wane inoto ne tatha inaona omea nia, kero ṉata isatha Aberahamo, keko una eri, Tha God ka to bi oe asi ade la ni sui bana noko ilidaki:


Tha God na ṉa kula kulu ni thaka la uria ma sukwaia kulu; kai to ṉado bana isakulua ana adomi lakulua la asi maṉa ana taa la.


Ma tha God ka soree isatha Jekofo, Tatae fasi, oko tae uri Bethele, oko to iei: oko thauwai nia fulii era ni foa la iei ifatha God ne fula fatai isamu na ba si maṉa ba no thaka faisia maana thoomu na tha Iso.


Ma nia ka talaia kau katele nia ki sui boo, ma ogogonia nia ne todadaki, ṉa katele ana foli lana ne todaa i Bedanerama, fasi kai lae isana maka nia na tha Aesiki i fanua eri i Kenana.


Ma lalae mai, si maṉa na ni Resela e tharea naa tha Josefa, tha Jekofo ka soree isatha Lebana, Arasi nau, kwai lae nakua uria si kula nau italaaku, ma i fanua nau.


Ma, rikia fasi, tha Jihova ka takwe mai i gwauna, ka una eri, Ni nau tha Jihova, na God kokoo oe na tha Aberahamo, ma God tha Aesiki: fanua nei, noko teo iei, kwai falea ifamu, ma ifana kwalafamu:


Kai falea lea la eri ifamu ne falea atha Aberahamo na ba, ṉa do fani oe, ma ifana kwalafamu bi oe; fasi oki ṉalia fanua nei no to ni laea iei, do oe bonaa neri, fanua eri na tha God e falea naa ifatha Aberahamo.


Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.


Uria na fanua nei sui bana noko rikia nania nau kwai falea ifamu ma ifana kwalafamu toto si sui.


Oko faaele kamilia ana ele la na kai totoo bia fa boṉi eki ana taa la no thauṉi kamilia sulia, ma fa ṉali eki ana taa la na mili rikia naa.


Ma tha Josefa ka soree isana doorana kera, Ni nau kwai mae: ma tha God kai thai mamana boo suli kamulua, kai talai kamulua kau faisia fanua nei uria fanua eri ne othi sulia na ba isatha Aberahamo, ma tha Aesiki, ma tha Jekofo.


Ma tha Jekofo e lio uria maana tha Lebana, ma, rikia fasi, wane eri e a’i si riki nia ka lea alafana si ade la ne ililia i dini.


Ma tha Jekofo kai kwaiarasi, ka ailia mai ni Resela ma ni Lia uri masuu isana feree sifi nia,


Kulu kau, kulu tae uri Bethele; ma ni nau kwai thauwai nia ta fulii era ni foa la iei ifatha God ne luua bae laku afa boṉi ku toto ana taa la na ba, me to bi nau sula tala nau ku lalae sulia.


Ma nau ku rikii do ana buloka ki, ma ase ki, ma feree sifi ki, ma wane ni ra ki, ma kini ni ra ki: ma nau ku kwaiarasi kau fasi kwai faaroṉoa wane inoto nau ania, fasi kwai fulatoona kwaiofei la i maamu.


Nau e a’i kwasi farana si do ne faekwa asia boo faisia tatakomi la oe ba ki sui bana ma mamana la oe ni sui bana, no fatai nia ifana wane ni ra Oe nei, sulaania ana talitoona bana kubau nau, ku tona tatha rarafolo ania i Jodana nei; ma si mana eri ro bali laea ki keka safu nau.


Swiv nou:

Piblisite


Piblisite