GENESIS 30:32 - Ṉa Alaofua Falu 1923 1949

³² Nau kwai tatha si kau imaalutana feree sifi oe ki itaraena, kwai idua kau faisida aini do na kera karua ma keka boboloa, ma do mela ki sui bana imaalutana sifi ki, ma do kera karua ma keka boboloa imaalutana gota ki: ma do una eri ki na na do ana foli laku.

GENESIS 30:32 Referans Kwoze

GENESIS 31:8

Si maṉa ne una eri, Foli lamu na ṉa do karua ki; feree do eki sui bana kera tharea do karua ki: ma si mana ne una eri, Foli lamu na ṉa do na kera ulili foloa; feree do eki sui bana keka bii tharea do na kera ulili foloa.

GENESIS 31:10

Ma lalae mai, si maṉa na feree do eki kera iana, nau ku tafoa maaku, ku lio i la moosubolea, ma, rikia fasi, do wane eki na kera lofo fafia feree do eki na ṉa do na kera ulili foloa, ma do karua ki, ma do melamelaa ki.

GENESIS 30:35

Ma nia ka idua kau afa boṉi eri gota wane ki sui bana na kera ulili foloa, ma do keka karua, ma gota kini ki sui bana na kera karua ma keka boboloa, ma do eki sui bana na ta si kula i seeda e kwakwaoa, ma do mela ki sui bana imaalutana aini sifi ki, ka faleda i abana kaluwane nia ki.

GENESIS 30:31

Ma nia ka una eri, Si ta na kwai falea iamu? Ma tha Jekofo ka sorea, E a’i bana; osi falea boo ta si do iaku: mado soki ilia si do nei ifaku, nau kwai tharea lau feree sifi oe ki, ma kwai fono toi kalida.

GENESIS 30:33

Asi ade la eri abula laku ne kokoto kai to fatai asi maṉa ni u ki mai, si maṉa na toto oki lae mai, oki lio uria foli laku na kai ni inaofamu: atona bana ta do ne a’i si karua me a’i si boboloa imaalutana gota ki, me a’i si mela imaalutana sifi ki, do oki alaṉi nau mania so ku bilia mai neri.