GENESIS 3:22 - Ṉa Alaofua Falu 1923 1949

²² Ma tha Jihova God ka sorea, Rikia fasi, wane nei kera adea ka ’uria ta do iakulua, ka thaitoomana lea la ma taa la: ma si maṉa eri ada ka tekwasia abana, ka ṉalia lau boo foana ’ai eri ana marukia, ka ania, ma ka bii maruki toto si sui:

GENESIS 3:22 Referans Kwoze

Si do na kera fatai nia 2:7

Wane na ana aliṉa, kai roṉoa si do na tha Spirit kai soree isana figua ki. Wane na si nia kai tatha, kwai falea si kula eri ifana kai ania foana ’ai ana marukia, na ni maalutana fanua lea tha God.

Si do na kera fatai nia 22:14

Lea iada, toa na kikui taua tooni kilua ki, fasi keki falea sukwaia ifadalua kikui ṉalia ’ai ana marukia, ma kikui kotho ana mae thaka eki uri la toaa susu.

Si do na kera fatai nia 22:2

Ne igwa i initoona tala i la toaa susu eri. Ma ’ai ana marukia e to iei ana ro ninimee kafo eki, ne fuṉu ana tee tafulu unii foee do ma ro unii foee do ki, ma unii foee do eki e eeta kwailiu, e fuṉu ṉado ta madami si ei: ma rena ’ai eri na ṉa do ana faamaruki lana toa ana fanua eeta ki.

GENESIS 2:9

Ma i theegano eri tha Jihova God ka faatagwasua ’ai eki sui bana riki lana ka lea ma ani lana ka lea lau boo; ’ai ana marukia lau boo ne ni initoona ra eri, ma ’ai ana thaitoomana lana lea la ma taa la.

GENESIS 1:26

Ma tha God ka una eri, Kulu thauwai nia imole sulia nuukulua i talaakulua, riki lana kai ’uri kulu: ma keki inoto fafia gwa i’a na i amali ki, ma fafia thaaro i mamatalea ki, ma fafia katele ki, ma fafia fanua na i iano ka sui bana, ma fafia do eki sui bana na keka aṉo ifafona fanua na i iano.

GENESIS 3:5

Uria na tha God e thaitoomana si kula nei, afa boṉi eri boo na moki ania siina, maamaroa kai laa, ma kamaroa moki ’uria god ki, moki thaitoomana lea la ma taa la.

Fa Ṉu Abu ki 22:26

Toa na kera abula marabibi toto keki faṉa ada, keki abusu: toa na kera rofe uria tha Jihova keki taṉoa thatana: maṉomulua kai maruki toto si sui.

GENESIS 3:21

Ma tha Jihova God e thauwai nia tooni ki ana uṉana do na kera mae, sui nia ka faatoonidaroa.

GENESIS 3:23

Sulia si kula eri tha Jihova God ka arasi nia ka lae nana faisia ra eri i Itena, kai ’ilia theegano eri ne ita mai ania.