GENESIS 29:2 - Ṉa Alaofua Falu 1923 1949

² Ma nia ka lio, ma, rikia fasi, tee malaui kafo i masuu, ma, lio fasi, ulu feree sifi keki teo isana; uria na faisia malaui kafo eri keka faakuufia feree sifi eki: ma tee gwa fau baita ka ni fafia maana malaui kafo eri.

GENESIS 29:2 Referans Kwoze

Jone 4:6

Ma malaui kafo tha Jekofo e ni kula eri. Mania tha Jesus e feda ana laea, ka ono i ninimana malaui kafo eri. Ma si maṉa eri fuliṉana ona si kadee thato.

Si do na kera fatai nia 7:17

Uria ṉa Lama na ni la do ni ono la ana inotoa eri kai fono toi kakali kera, ma kai talai kera uria ruka‐mauri eki asi kafo ana marukia: ma tha God kai usua kafona maada ka sui bana ka ai naa faisia maada.

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Fa Ṉu Abu ki 23:2

Nia alu nau kwai teo imaalutana si lolo katha: ka talai nau i ninimana kafo daununu asia naa ki.

GENESIS 24:13

Rikia fasi, nau ku takwe isana malaui kafo nei; ma thari toa na toaa susu nei ki keki lae mai uria ufi lana kafo:

GENESIS 24:11

Ma nia ka adea na kamela nia ki keka bouruuru ithara faisia toaa susu eri i ninimana tee malaui kafo, i thaulafia, asi maṉa na biraṉana kini ki keki lae mai uria ufi lana kafo.

GENESIS 24:10

Ma wane ni ra eri ka talaia tafulu kamela faisia aini kamela wane inoto nia, ka lae nana; uria na ogogonia wane inoto nia ni sui bana ni abana: ma nia ka tae kau, ka lae uria Mesopotemia, lalae ka fula isana toaa susu tha Neho.

GENESIS 29:3

Ma keka ofua feree sifi ki sui bana uriei: sui keki bii abulisia kau gwa fau eri faisia maana malaui kafo, keki faakuufia aini sifi eki, sui keka alua lau gwa fau eri i fuila fafia maana malaui kafo eri.