GENESIS 28:5 - Ṉa Alaofua Falu 1923 1949

⁵ Ma tha Aesiki e arasia tha Jekofo: ma nia ka lae uri Bedanerama isatha Lebana, kaluwane tha Bethuele ṉa wane i Siria, waiwaena ni Ribeka na thainana tha Jekofo ma tha Iso.

GENESIS 28:5 Referans Kwoze

GENESIS 25:20

Ma fai tafulu fa ṉali e sui atha Aesiki, sui ka bii tolea kwaina na ni Ribeka, na thari tha Bethuele na wane i Siria, fanua nia i Bedanerama, ma thari eri waiwaena tha Lebana, wane ba i Siria.

GENESIS 27:43

Uria si kula eri, kaluwane nau ae, ade fasi sulia bae laku; tatae, oko thaka isana waiwaena nau na tha Lebana i Harana;

GENESIS 29:12

Ma tha Jekofo ka faaroṉoa ni Resela na ni nia ina lana maka nia, ṉa kaluwane ni Ribeka: ma thari eri ka fita kau, ka faaroṉoa maka nia.

GENESIS 22:23

Ma tha Bethuele e kwalafia ni Ribeka: kwalu nonii wane eki ni Milika e tharea ifatha Neho, doorana tha Aberahamo.

GENESIS 24:54

Ma keka faṉa ma keka kuu, ni nia ma wane eki na kera lae bi nia, keka toto fanua ka dani; ma keka tatae i uusuwadia, ma nia ka una eri, Arasi nau kau uria wane inoto nau.

GENESIS 28:2

Tatae fasi, oko lae uria Bedanerama, uria maafera tha Bethuele na maka thainamu; ma oko tole kini faisia si kula eri, ana thari tha Lebana ki na waiwaena thainamu.

GENESIS 29:1

Sui tha Jekofo ka lae nana, lalae ka fula i fanua toa ana bali tae lana thato.

GENESIS 31:24

Ma tha God e lae mai satha Lebana, na wane eri i Siria, ana moosubolea afa rodo, ka soree isana, Beta suli oe ada oko sorea si do lea isatha Jekofo, mado si do taa.

GENESIS 35:27

Ma tha Jekofo lalae ka fula isana maka nia na tha Aesiki i Mamari, isana toaa susu tha Aba, i Hefirono, fanua na tha Aberahamo ma tha Aesiki kero to ni laea iei.