GENESIS 28:22 - Ṉa Alaofua Falu 1923 1949

²² Ma gwa fau na nau ku ’ili ania ka takwe mala ta beta, nai nia, toto ṉa betana biu tha God: ma asi do eki sui bana na toto oki falea iaku, nau kwai falea boo taṉafula si do eki ifamu.

GENESIS 28:22 Referans Kwoze

GENESIS 35:7

Ma nia ka thauwai nia fulii era ni foa la iei, ka alaṉia thatana fanua eri ana Ele‐bethele: uria na tha God e fula fatai isana i la fanua eri, si maṉa ba ne thaka faisia maana thoona.

GENESIS 14:20

Ma soreleaa kai to ifatha God ne Inoto ka Tatha, ne falea maalimae oe ki i abamu. Ma tha Aberamo ka falea taṉafula si do ki sui bana ifana.

GENESIS 35:1

Ma tha God ka soree isatha Jekofo, Tatae fasi, oko tae uri Bethele, oko to iei: oko thauwai nia fulii era ni foa la iei ifatha God ne fula fatai isamu na ba si maṉa ba no thaka faisia maana thoomu na tha Iso.

GENESIS 33:20

Ma nia ka thauwai nia fulii era ni foa la iei, ka alaṉia thatana ana Eleloe‐Isirela.

GENESIS 28:17

Ma nia ka mau, ka una eri, Si kula kwaifamaui asia naa nai nia! biu tha God mamana boo nai nia, ma ṉa maethakaa i thalo lo.

GENESIS 12:8

Ma nia ka idu kau faisia fanua eri uria tee gwa tolo karaṉia i Bethele ibali tae lana thato, ka kasia biui‐maku nia imaalutana Bethele ibali su lana thato, ma Ai ibali tae lana thato: ma i fanua eri nia ka thauwai nia fulii era ni foa la ifatha Jihova, ka ’ai thataṉa tha Jihova.

GENESIS 21:33

Ma tha Aberahamo e fasia ’ai ki i Biasifa, ka ’ai thatana tha Jihova iei, tha God na ka toto si sui.

GENESIS 47:24

Ma lalae mai tae ka oro naa, muki bii falea limana si do eki ifatha Fero, ma fai bali do ki kai to fani kamulua italaamulua, foee do muki afusidaki la ra neri, ma faṉa kamulua, ma si do ifana toa na i maafera kamulua ki, ma si faṉa ifana kaala wela kamulua ki.

GENESIS 47:26

Ma tha Josefa e alua lo eri fafia fanua i Ijifi ka fula itaraena, limana si kula si kula tha Fero ki; talitoona bali gano aofia ni foa ki na ṉa do tha Fero e a’i.