GENESIS 28:10 - Ṉa Alaofua Falu 1923 1949

¹⁰ Ma tha Jekofo ka lae nana faisia i Biasifa, ka lae sula tale uri Harana.

GENESIS 28:10 Referans Kwoze

Si do Aposela ki kera ilidaki 7:2

Ma nia sorea, Doora kera ma maka kera, muki fafuroṉo fasi. Ṉa God ana inotoa e fula fatai isana maka kulu ba inao na tha Aberahamo, si maṉa ne to i Mesopotemia, si maṉa ne ai si ni u i Harana,

GENESIS 32:10

Nau e a’i kwasi farana si do ne faekwa asia boo faisia tatakomi la oe ba ki sui bana ma mamana la oe ni sui bana, no fatai nia ifana wane ni ra Oe nei, sulaania ana talitoona bana kubau nau, ku tona tatha rarafolo ania i Jodana nei; ma si mana eri ro bali laea ki keka safu nau.

GENESIS 11:31

Ma tha Tira ka talaia kaluwane nia na tha Aberamo, ma kokoo nia na tha Lota, kaluwane tha Harana na kaluwane nia, ma ni Serai na kini‐fuṉao nia, kwaina kaluwane nia na tha Aberamo; ma kera lae ofu kau faisia i A, na fanua toa i Kaladia, sa keki lae uria fanua i Kenana; ma lalae kera fula i Harana, keka to iei.

Si do Aposela ki kera ilidaki 25:13

Ma buriana tai fa boṉi, kiṉa Agiripa bia ni Banisi kero fula i Sesaria, keko aratai lea la atha Fesitasi.

GENESIS 12:4

Mania tha Aberamo e ade sulia ṉata lana tha Jihova neri, ka lae kau; ma tha Lota ka lae bi nia: ma fiu tafulu fa ṉali ma lima fa ṉali e sui atha Aberamo asi maṉa eri ne akwasia i Harana.

GENESIS 12:5

Ma tha Aberamo ka talaia kau kwaina na ni Serai, ma tha Lota na kaluwane doorana, ma ogogonia kera na kera ofua mai, ma imole eki na kera safu kera anida i Harana; ma keka lae kau fasi keki lae uria fanua i Kenana; lalae keka fulatoona boo fanua eri i Kenana.

GENESIS 26:23

Ma nia ka tae faisia fanua eri, ka lae uria Biasifa.

GENESIS 27:43

Uria si kula eri, kaluwane nau ae, ade fasi sulia bae laku; tatae, oko thaka isana waiwaena nau na tha Lebana i Harana;

GENESIS 29:4

Ma tha Jekofo ka soree isada, Doora kera, fanua ifei na ni kamulua mulu too mai iei, muka lae mai? Ma keka una eri, Kamilia toa i Harana.

GENESIS 46:1

Ma tha Isirela ka lae nana bia si do ne rikidaki ka sui boo, lalae ka fula i Biasifa, ka falea do ni afufu ki ifana ṉa God maka nia na tha Aesiki.

GENESIS 35:1

Ma tha God ka soree isatha Jekofo, Tatae fasi, oko tae uri Bethele, oko to iei: oko thauwai nia fulii era ni foa la iei ifatha God ne fula fatai isamu na ba si maṉa ba no thaka faisia maana thoomu na tha Iso.

GENESIS 35:7

Ma nia ka thauwai nia fulii era ni foa la iei, ka alaṉia thatana fanua eri ana Ele‐bethele: uria na tha God e fula fatai isana i la fanua eri, si maṉa ba ne thaka faisia maana thoona.