GENESIS 26:24 - Ṉa Alaofua Falu 1923 1949

²⁴ Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.

GENESIS 26:24 Referans Kwoze

GENESIS 17:7

Ma ni nau kwai kania alaofua nau kai ṉado imaalutaku ma ni oe, ma kwalafamu iburiamu sulia unii wane kera ki, alaofua neri na kai toto si sui, sorea ni nau ṉa God ifamu, ma ifana kwalafamu iburiamu.

GENESIS 15:1

Buriana si do eki bae lana tha Jihova ka fula mai satha Aberamo ana sii na kera fatai lalaa ania, ka una eri, Osi mau, Aberamo: ni nau ṉa talo oe ma kwaiaraa oe ne baita ka tatha.

Si do Aposela ki kera ilidaki 7:32

Nau ṉa God maka oe nai nao ki, God tha Aberahamo, ma tha Aisaka, ma tha Jekofo. Ma tha Mosesi ka leleba, e ai si seeraa fasi kai lio.

GENESIS 24:12

Ma nia ka una eri, Jihova ae, God wane inoto nau na tha Aberahamo, nau ku thathamia oki falea mamanaa iaku afa boṉi nei, ma oki fatai nia ade lea lamu uria wane inoto nau na tha Aberahamo.

Si do na kera fatai nia 1:17

Ma si maṉa nau ku riki nia, kwa asi nau isana aaena ’uria ta wane mae. Ma nia alua aba aola nia fafi nau, ma ka una eri isaku, Osi mau; nau totonao ma iisi,

GENESIS 28:13

Ma, rikia fasi, tha Jihova ka takwe mai i gwauna, ka una eri, Ni nau tha Jihova, na God kokoo oe na tha Aberahamo, ma God tha Aesiki: fanua nei, noko teo iei, kwai falea ifamu, ma ifana kwalafamu:

GENESIS 13:16

Ma ni nau kwai adea na kwalafamu keki ’uria gegeona theegano: mada sa ta wane ka thaitoomana teemai lana gegeona theegano, kai teemai nia lau boo kwalafamu.

Hibaru ki 13:6

Adedea kuki seeraa si maṉa na kuki sorea, Tha Lord ana kai adomi nau; nau sa kwa mau e ai: Ta si ta na imole kai ilia iaku?

Luke 12:32

Musi mau, aini sifi na musi oro; uria na Maka kamulua e to’oa kai falea tooa eri ifamulua.

Mathui 22:32

Nau God tha Aberahamo ma God tha Aesaka ma God tha Jekofo? Tha God ṉa God toa mae e ai, nia God toa maruki.

GENESIS 31:5

Ka soree isadaroa, Nau ku rikia maana maka kamaroa, e a’i si riki nau ka lea alafana si ade la ne ililia i dini; ma sui God maka nau e to bana bi nau.

GENESIS 22:19

Mania tha Aberahamo ka oli kau isana ro wane bii baita nia ki, ma kera tae kau, keka lae ofu uri Biasifa; ma tha Aberahamo ka to bana i Biasifa.

Hibaru ki 11:16

Ma keka thathamia ada fanua ne lea ka tatha, na ṉa fanua i thalo: mania tha God e ai si seenoni suli kera, fasi keka alaṉi nia ana God kera: uria ne beta toaa susu maakwali kera.

GENESIS 17:8

Ma ni nau kwai falea ifamu ma ifana kwalafaa oe ki iburiamu, fanua nei noko to ni laea iei, fanua i Kenana ni sui bana neri, ṉa fanua kamulua u boo toto si sui; ma God kera na ni nau.

GENESIS 21:17

Ma tha God ka roṉoa liṉana ṉata lana wela wane eri, ma angel tha God ka ’ai thatana ni Hega faisia i thalo lo, ka una eri isana, Hega ae, si ta ne uri oe? osi mamau; uria na tha God e roṉoa naa liṉana ṉata lana wela wane nei asi kula ne to mai iei.

GENESIS 22:17

Lea la, nau kwai alua mamana boo lea la fafi oe, ma kwai adea kwalafaa oe kai oro alaa, alafana fa bubulu lo i thalo ki mai, alafana lau boo migee one na ni fafo asi; ma kwalafaa oe kai ana ana maethakaa maalimae nia ki;

GENESIS 28:3

Ma tha God ne Sukwai ka Tatha kai alua lea la fafi oe, kai adea na kwalafamu kai oro faamau ka lae alaa, fasi ina lana toa oro ki keki ita mai ani oe;

GENESIS 28:15

Ma, rikia fasi, ni nau kwai to bi oe, kwai beta suli oe asi kula ni sui bana noki lae uria, sui kwai oli fafi oe uri fanua nei, uria na ni nau e a’i kwasi akwasi oe, maasia si maṉa na toto kwai ilia si do ku ṉata sulia isamu na ba.

GENESIS 30:27

Ma tha Lebana ka soree isana, Mado so riki nau ka lea, nau ku thathamia oki to si amua isaku: uria ni nau ku thaitoomana filoa na tha Jihova e alua lea la fafi nau inunufamu.

GENESIS 46:1

Ma tha Isirela ka lae nana bia si do ne rikidaki ka sui boo, lalae ka fula i Biasifa, ka falea do ni afufu ki ifana ṉa God maka nia na tha Aesiki.

GENESIS 39:2

Ma tha Jihova e to bia tha Josefa, ma mamanaa wane eri ka baita; ma nia ka to bana i maafera wane inoto nia na wane eri i Ijifi.

GENESIS 39:3

Ma wane inoto nia eri e rikia na tha Jihova e to bi nia, ma tha Jihova e adea na si ra eki sui bana ne ilia ka mamana i abana.