GENESIS 25:9 - Ṉa Alaofua Falu 1923 1949

⁹ Ma ro kaluwane nia ki, na tha Aesiki ma tha Isimela, keko alu nia i la maufi ba i Makabila, i la bali gano tha Ifurono, kaluwane tha Soha ṉa Hitaete, na ni otofana i Mamari;

GENESIS 25:9 Referans Kwoze

GENESIS 50:13

Uria na kaluwane nia ki keka fanasi nia uri la fanua i Kenana, keka alu nia i la maufi la bali gano i Makabila, maufi eri na tha Aberahamo e usia bia bali gano eri, faisia Hitaete eri na tha Ifirono, do nia ni bonaa, na si kula nia ni aluwanea, otofana i Mamari.

GENESIS 35:29

Ma tha Aesiki ka luka ana maṉona, ka mae, sui ka tatha, ka to ofu bia toa nia ki; nia e arai naa, ma fa boṉi nia ki e oro ka tatha: ma tha Iso ma tha Jekofo, ro kaluwane nia ki, keko alu nia.

GENESIS 23:8

Ma nia ka tamani bida, ka una eri, Mada sa manatamulua neri sa nau kwai alua kini nau ne mae, maaku si riki nia lau; fafuroṉo nau fasi, muki ṉata kwaitakoi ifaku satha Ifurono, kaluwane tha Soha,

GENESIS 47:30

Ma sui ni nau kwai teo ofu bia maka nau na inao ki; ma oki ṉali nau kau faisia i Ijifi, oki alu nau asi kula kera ni aluwanea. Ma nia ka sorea, Nau kwai ade boo sulia ṉata lamu.

GENESIS 49:31

Asi kula eri kera alua tha Aberahamo ma kwaina na ni Sera; asi kula eri kera alua tha Aesiki ma kwaina na ni Ribeka; ma asi kula eri nau ku alua ni Lia: