GENESIS 25:11 - Ṉa Alaofua Falu 1923 1949

¹¹ Ma lalae mai, buriana mae lana tha Aberahamo, tha God ka falea lea la ifana kaluwane nia na tha Aesiki; ma tha Aesiki ka to bana isana malaui kafo eri i Bia‐lahai‐roi.

GENESIS 25:11 Referans Kwoze

GENESIS 22:17

Lea la, nau kwai alua mamana boo lea la fafi oe, ma kwai adea kwalafaa oe kai oro alaa, alafana fa bubulu lo i thalo ki mai, alafana lau boo migee one na ni fafo asi; ma kwalafaa oe kai ana ana maethakaa maalimae nia ki;

GENESIS 16:14

Mania kera alaṉia thatana malaui kafo eri ana Bia‐lahai‐roi; rikia fasi, kai to bana imaalutana Kedesi ma Birete.

GENESIS 24:62

Ma tha Aesiki ka lae mai faisia tala uria malaui kafo eri i Lahairoi; uria ne to bana i la fanua i mutana.

GENESIS 17:19

Ma tha God ka una eri, Kwaimu na ni Sera kai tharea ta wela wane ifamu mamana boo; ma oki alaṉia thatana atha Aesiki: ma nau kwai kania alaofua nau eri kai nado ifana, na alaofua na kai toto si sui, bi nia ma bia kwalafana iburiana.

GENESIS 12:2

Ma ni nau kwai adea na kulee toa na keki inoto faamau keki thafali mai ani oe, ma nau kwai falea lea la ifamu, kwai faabaitaa thatamu; ma kai lea iana imole ki inunufamu:

GENESIS 50:24

Ma tha Josefa ka soree isana doorana kera, Ni nau kwai mae: ma tha God kai thai mamana boo suli kamulua, kai talai kamulua kau faisia fanua nei uria fanua eri ne othi sulia na ba isatha Aberahamo, ma tha Aesiki, ma tha Jekofo.

GENESIS 12:3

Ma nau kwai alua lea la ifana toa eki na kera alua lea la ifamu, kwai alua taa la fani tei ne alua taa la fafi oe: ma ani oe keki alua lea la ifana ina lana toa eki sui bana na ni fanua na i iano.

GENESIS 26:3

Oki to ni laea i fanua nei, ma ni nau kwai to bi oe, kwai alua lea la fafi oe; uria ni nau kwai falea fanua nei ki sui bana ifamu, ma ifana kwalafamu, ma ni nau kwai ade sulia othi la na nau ku othia na ba isana maka oe na tha Aberahamo.

GENESIS 24:35

Ma tha Jihova e falea lea la baita ifana wane inoto nau; ma nia ka inoto faamau si maṉa eri: ma tha God e falea feree sifi ifana, ma aini buloka, ma si silifa, ma si golu, ma wane ni ra ki, ma kini ni ra ki, ma kamela ki, ma ase ki.

GENESIS 26:12

Sui tha Aesiki ka afusia foee do ki i fanua eri, ka fulatoona too tee taleṉee do fuliṉana si do ne fasidaki: ma tha Jihova ka alua lea la fafi nia.

Fa Ṉu Abu ki 112:2

Kwalafaa nia ki keki rigita i la fanua na i iano: lea la kai to fafia unii wane oolo.