Ma nia ka una eri, Jihova ae, God wane inoto nau na tha Aberahamo, nau ku thathamia oki falea mamanaa iaku afa boṉi nei, ma oki fatai nia ade lea lamu uria wane inoto nau na tha Aberahamo.
Ma nia ka lakwasia mai, ka kikia si kafo i la ma’e kafo eri, do nia ana ṉali lana kafo ka gwa’u naa, sui ruana ka fita kau isana malaui kafo eri, ka ufia lau mai, ka ufia kafo ifana kamela nia ki sui bana.
Ma nia ka una eri, Keki taṉoa tha Jihova, na God wane inoto nau na tha Aberahamo, ne a’i si luka faekwa ana wane inoto nau sa kai to ithara faisia tatakomia nia ma mamana lana: si maṉa ku lalae sula tale na ba, tha Jihova e talai nau mai uria maafera ina lana wane inoto nau.