GENESIS 24:12 - Ṉa Alaofua Falu 1923 1949

¹² Ma nia ka una eri, Jihova ae, God wane inoto nau na tha Aberahamo, nau ku thathamia oki falea mamanaa iaku afa boṉi nei, ma oki fatai nia ade lea lamu uria wane inoto nau na tha Aberahamo.

GENESIS 24:12 Referans Kwoze

GENESIS 24:27

Ma nia ka una eri, Keki taṉoa tha Jihova, na God wane inoto nau na tha Aberahamo, ne a’i si luka faekwa ana wane inoto nau sa kai to ithara faisia tatakomia nia ma mamana lana: si maṉa ku lalae sula tale na ba, tha Jihova e talai nau mai uria maafera ina lana wane inoto nau.

GENESIS 26:24

Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.

GENESIS 24:48

Ma nau kwa gwau toli, ku faare baita atha Jihova, ku taṉoa tha Jihova ṉa God wane inoto nau na tha Aberahamo, ne talai nau mai ana tala oolo nei, kwai tolea thari doorana wane inoto nau ifana kaluwane nia.

GENESIS 24:42

Ma lalae ku fula ibaari isana malaui kafo nei, ma nau ku una eri, Jihova ae, God wane inoto nau na tha Aberahamo, mado soki falea mamanaa fafia laea nau na nau ku lae ania neri:

Filifae 4:6

I la ruruumulua si ototo fufuli uria atona bana ta si do; ma asi do ki sui bana ana foa la ma ana ṉata fifi la isana bia si sore lea la muki fatai nia si do na muki ganidaki isatha God.

Mathui 22:32

Nau God tha Aberahamo ma God tha Aesaka ma God tha Jekofo? Tha God ṉa God toa mae e ai, nia God toa maruki.

Fa Ṉu Abu ki 127:1

Mada sa tha Jihova e a’i ne kasibiu, toa eki na keka kasia biu eri keka tonee ra bada asi ra ne a’i si kwaiadomi: mada sa tha Jihova e a’i neri ne fono toi kakalia toaa susu, wane ni fono toi la kai tonee tharai bana.

Fa Ṉu Abu ki 122:6

Muka foa fasi uria enenoa i Jerusalema: kai lea iada, toa eki na kera liothau iamu.

Fa Ṉu Abu ki 118:25

Jihova ae, mika ṉata kwaitakoi isamu, oko faamaruki kamilia fasi si maṉa eri: Jihova ae, mika ṉata kwaitakoi isamu, oko falea mai to lea la iamilia si maṉa eri.

Fa Ṉu Abu ki 37:5

Takofalea lae lamu atha Jihova; fitoona lau boo, ma ni nia kai adea kai mamana.

Nehemiah 2:4

Sui kiṉa nei ka una eri isaku, Ta neri noko gani nau uria? Mania nau ku foa ana thatana tha God na i thalo lo.

Nehemiah 1:11

Arai Lo ae, nau ku ṉata kwaitakoi kau isamu, alamatai nia fasi aliṉamu kai fafuroṉoa foa la wane ni ra oe, ma foa la toa ni ra oe nei ki, na mili thathamii faare baita ana thatamu: ma oko falea fasi mamanaa ifana wane ni ra oe itaraena, oko falea tatakomia ifana i maana wane nei. (Uria ni nau wane ku ṉalia titiu ni kuu la ifana kiṉa nei.)

GENESIS 43:14

Ma nau ku thathamia na tha God ne Sukwai ka Tatha kai adea na muki fulatoona tatakomi la inaofana wane eri, fasi kai arasia mai dooramulua ba ma tha Benijamini. Mada sa wela nau ki keka mae faisi nau, kwai inamae bonaa.

GENESIS 32:9

Ma tha Jekofo ka una eri, God ae, na God maka inao nau eri na tha Aberahamo, ma God maka nau na tha Aesiki, ni oe tha Jihova no soree isaku na ba, Oli kamua uri fanua oe, ma uria isana ina lamu kera, ma ni nau kwai ade lea iamu:

GENESIS 31:42

Mada sa God maka nau e a’i si to bi nau ṉa God tha Aberahamo na tha Aesiki e faare baita ania, o arasi nau kwa tona lae mamana boo. Tha God ana e rikia naa taa la nau ku toto ania na ba, ma ra nau ku ulafu ania ana ro aba nau ki, me sore oe fafia afa rodo eri ne sui na kau.

GENESIS 28:13

Ma, rikia fasi, tha Jihova ka takwe mai i gwauna, ka una eri, Ni nau tha Jihova, na God kokoo oe na tha Aberahamo, ma God tha Aesiki: fanua nei, noko teo iei, kwai falea ifamu, ma ifana kwalafamu:

GENESIS 27:20

Ma tha Aesiki ka soree isana kaluwane nia, Kaluwane nau ae, nifana ade lana oko fulatoona fofoa mai? Ma nia ka una eri, Uria na God oe tha Jihova e talaia mai isaku.

GENESIS 27:10

Ma ni oe oki ṉalia mai ana maka oe, fasi kai ania, kai bii alua lea la fafi oe si maṉa nia kai to bana, e a’i si mae u.

GENESIS 15:1

Buriana si do eki bae lana tha Jihova ka fula mai satha Aberamo ana sii na kera fatai lalaa ania, ka una eri, Osi mau, Aberamo: ni nau ṉa talo oe ma kwaiaraa oe ne baita ka tatha.

GENESIS 24:21

Ma wane eri ka kwele ani nia, sui ka bona bana, fasi kai thaitoomana sa mado e a’i tha Jihova e falea mamanaa fafia laea nia.

GENESIS 32:10

Nau e a’i kwasi farana si do ne faekwa asia boo faisia tatakomi la oe ba ki sui bana ma mamana la oe ni sui bana, no fatai nia ifana wane ni ra Oe nei, sulaania ana talitoona bana kubau nau, ku tona tatha rarafolo ania i Jodana nei; ma si mana eri ro bali laea ki keka safu nau.