GENESIS 23:4 - Ṉa Alaofua Falu 1923 1949

⁴ Nau ṉa wane ata fanua eeta ma wane ku to ni laea isamulua: falea mai akua ta kula ni aluwanea isamulua, fasi kwai alua kini mae nau nei iei, maaku si riki nia lau.

GENESIS 23:4 Referans Kwoze

Hibaru ki 11:9

Ana fitooa, lalae e fula, e wane kwaita i fanua eri ana alaṉaia, ’uria sa do nia i talaana e ai, ka to ana biui maku ki, bia tha Aesaka ma tha Jekofo, na alaṉaia eri boo e to ifadaroa lau boo:

GENESIS 17:8

Ma ni nau kwai falea ifamu ma ifana kwalafaa oe ki iburiamu, fanua nei noko to ni laea iei, fanua i Kenana ni sui bana neri, ṉa fanua kamulua u boo toto si sui; ma God kera na ni nau.

Fa Ṉu Abu ki 119:19

Ni nau wane ku to ni laea i fanua na i iano; ada oko thaufunia si ṉataa oe ki faisi nau.

Si do Aposela ki kera ilidaki 7:5

Me ai si falea ta si kula ifana i fanua eri, e ai ta kasi gano mena na nia kai alua aaena i fafona: ma nia alaṉai toto kai falea fanua eri ifana, fanua nia ni bonaa, ma kwalafana iburiana, si maṉa ne ai si welaa u neri.

Fa Ṉu Abu ki 39:12

Roṉoa fasi foa la nau, Jihova ae, moko fafuroṉoa aṉi laku: ada oko bona si maṉa ana kafona maaku: uria na ni nau na wane kwaitaa isamu, na wane ku to ni laea, ’uria lau boo maka nau ki sui bana ba i dini mai.

GENESIS 49:30

I la maufi ba na i bali gano eri i Makabila, na ni otofana Mamari, i la fanua i Kenana, si kula na tha Aberahamo e usia na ba bia bali gano Hitaete eri na tha Ifirono, do nia ni bana, na si kula nia ni aluwanea.

I. Pita 2:11

Toa liliothaua nau ki, ku ṉata kwaitakoi, ku soree isamulua mala toa na muka makafa to bamulua ma toa kwaita ki, muki to faisia si thathami la taa ki seena imole, na ka firu bia maṉoka;

GENESIS 50:13

Uria na kaluwane nia ki keka fanasi nia uri la fanua i Kenana, keka alu nia i la maufi la bali gano i Makabila, maufi eri na tha Aberahamo e usia bia bali gano eri, faisia Hitaete eri na tha Ifirono, do nia ni bonaa, na si kula nia ni aluwanea, otofana i Mamari.

GENESIS 47:9

Ma tha Jekofo ka soree isatha Fero, Fa boṉi eki ana fa ṉali nau ki ku to ni laea ania, tee taleṉee fa ṉali ma ulu tafulu fa ṉali: fa boṉi eki ana fa ṉali nau ki ana to laku i fanua na i iano e ununa ma ka taa, e a’i si oro ’uria fa boṉi eki ana fa ṉali ki ana to lana maka nau ki afa boṉi kera ki na kera toto ni laea ania.

GENESIS 3:19

Ana iidana maamu oki ania berede, ka fula asi maṉa na toto oki oli lau uri theegano; sulaania kera ṉali oe mai faisia: uria ni oe ṉa do ana gegeona theegano, ma toto oki oli lau uria gegeona theegano eri.

Si do Aposela ki kera ilidaki 7:16

Ma kera fanasia seena wane eki, keka ṉalia uri Sikema, keka alua i lala kwaiṉeia eri na tha Aberahamo e usia ana silifa ana kaluwane tha Hamo ki i Sikema na ba.

GENESIS 23:5

Ma kwalafaa tha Hete ki keka luua tha Aberahamo, keka soree isana,