GENESIS 23:19 - Ṉa Alaofua Falu 1923 1949

¹⁹ Ma buriana si do nei, tha Aberahamo ka alua seena kwaina na ni Sera i la maufi ana bali gano eri i Makabila otofana i Mamari, i Heforono nei la fanua i Kenana.

GENESIS 23:19 Referans Kwoze

GENESIS 50:25

Ma tha Josefa e faaothia kwalafaa tha Isirela, ka una eri, Tha God kai thai mamana boo suli kamulua, ma muki tae fafia ogiku faisia fanua nei.

GENESIS 50:13

Uria na kaluwane nia ki keka fanasi nia uri la fanua i Kenana, keka alu nia i la maufi la bali gano i Makabila, maufi eri na tha Aberahamo e usia bia bali gano eri, faisia Hitaete eri na tha Ifirono, do nia ni bonaa, na si kula nia ni aluwanea, otofana i Mamari.

GENESIS 47:30

Ma sui ni nau kwai teo ofu bia maka nau na inao ki; ma oki ṉali nau kau faisia i Ijifi, oki alu nau asi kula kera ni aluwanea. Ma nia ka sorea, Nau kwai ade boo sulia ṉata lamu.

GENESIS 3:19

Ana iidana maamu oki ania berede, ka fula asi maṉa na toto oki oli lau uri theegano; sulaania kera ṉali oe mai faisia: uria ni oe ṉa do ana gegeona theegano, ma toto oki oli lau uria gegeona theegano eri.

GENESIS 23:18

Ifatha Aberahamo, do nia ni bonaa, inaofana kwalafaa tha Hete ki, na toa eki sui bana na kera kotho mai ana maethakaa toaa susu nia.

GENESIS 23:20

Ma bali gano eri, ma maufi na ni lala, kaluwane tha Hete ki kera faaṉadoa usi lana kai mamana ifatha Aberahamo, na kula nia ni bonaa ni aluwanea.

GENESIS 37:14

Ma nia ka una eri isana, Nau ku thathamia oki lae, rikia fasi sa mado e a’i thoomu kera keka to lea bada, ma feree sifi eki keka to ni lea la; sui lalae oli mai, oko faaroṉo nau mania. Mania nia ka arasia faisia kurua eri i Hefirono, lalae ka fula i Sekema.