GENESIS 23:16 - Ṉa Alaofua Falu 1923 1949

¹⁶ Ma tha Aberahamo ka ade sulia ṉata lana tha Ifurono; ma tha Aberahamo ka ilitoona ifatha Ifurono kulua lana silifa eri ne aratai nia, na kaluwane tha Hete ki kera roṉoa na ba, fai taleṉee fa sekele ana silifa, malefo eki e farana wane ne usia do ana todado la ki.

GENESIS 23:16 Referans Kwoze

I. Thesalonika 4:6

Fasi e ai ta wane si dodora, ma si abula dodora uria doorana asi do eri: sulaania ṉa Lord ana kai duua si do eki sui boo, ’uria lau boo mili soree isamulua totonao ma mili faamamanea isamulua asi do mili thaitoomana.

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

Roma 13:8

Osi ṉaṉali laṉa asi do ta wane, talitoona bana liothau la uri kamulua kwailiu: uria wane na kai liothau ana wane nia e ilia naa si do eki sui bana na ṉa lo e sorea.

Mathui 7:12

Mania si do ki sui ana atona bana si do na mulu thathamia imole keki ilia ifamulua, muka ilia lau boo ifada: sulia ṉa lo ma porofeta ki nania.

GENESIS 43:21

Ma lalae kau, mika fula naa isana maafera toa kwaitaa ki, mili lubea wai kamilia ki, ma, rikia fasi, malefo kamilia, ne kulua sulia kulua lana inao mai, ka to bana i maana wai kamilia ki, wane boo malefo nia i wai nia, ta wane boo malefo nia i wai nia: sui mili oli fafia, ka ni lau bana i abamilia.

GENESIS 23:15

Arai ena ae, fafuroṉo nau fasi: usi lana bali gano nei fai taleṉee fa sekele ana silifa; tonee do neri imaalutakaroa, mado? mania alua fasi kini oe ne mae.

Si do Aposela ki kera ilidaki 7:16

Ma kera fanasia seena wane eki, keka ṉalia uri Sikema, keka alua i lala kwaiṉeia eri na tha Aberahamo e usia ana silifa ana kaluwane tha Hamo ki i Sikema na ba.

GENESIS 49:29

Ma nia ka ṉata fifi isada, ka soree isada, E a’i si e’i nau kwai tatha bokau, kwai to ofu bia toa nau ki: muki alu nau bia maka nau eki la maufi ba na i la bali gano Hitaete eri na tha Ifirono,

GENESIS 50:13

Uria na kaluwane nia ki keka fanasi nia uri la fanua i Kenana, keka alu nia i la maufi la bali gano i Makabila, maufi eri na tha Aberahamo e usia bia bali gano eri, faisia Hitaete eri na tha Ifirono, do nia ni bonaa, na si kula nia ni aluwanea, otofana i Mamari.