GENESIS 22:20 - Ṉa Alaofua Falu 1923 1949

²⁰ Ma lalae mai, buriana si do eki, keka faaroṉoa tha Aberahamo, keka una eri, Rikia fasi, ni Milika, kini eri lau boo e tharea baree wela ifana dooramu na tha Neho;

GENESIS 22:20 Referans Kwoze

GENESIS 11:29

Ma tha Aberamo ma tha Neho kero tole kini: thatana kwaina tha Aberamo ni Serai; ma thatana kwaina tha Neho ni Milika na thari tha Harana; ma wane eri maka ni Milika ma maka ni Isika.

GENESIS 24:24

Ma nia ka una eri isana, Ni nau thari tha Bethuele, na kaluwane ni Milika ne thare nia ifatha Neho.

GENESIS 31:53

God tha Aberahamo ma God tha Neho, na ṉa God maka keroa, kai ṉata kokoto sulia imaalutakaroa. Ma tha Jekofo ka alaṉai ana othi la ana thatana ni nia na maka nia na tha Aesiki e faare baita ania.

GENESIS 24:15

Ma lalae mai, si maṉa nia kai ṉata si sui u, rikia fasi, ni Ribeka ka lae mai, thari tha Bethuele, na kaluwane ni Milika, na kwaina doorana tha Aberahamo, na tha Neho; ma do nia ni ṉali lana kafo ni gwauna abana thari eri.

GENESIS 24:10

Ma wane ni ra eri ka talaia tafulu kamela faisia aini kamela wane inoto nia, ka lae nana; uria na ogogonia wane inoto nia ni sui bana ni abana: ma nia ka tae kau, ka lae uria Mesopotemia, lalae ka fula isana toaa susu tha Neho.

GENESIS 11:26

Ma tha Tira e to sulia fiu tafulu fa ṉali, sui ka tharea tha Aberamo, ma tha Neho, ma tha Harana.

GENESIS 22:21

Ulunao eri na tha Asa, ma thasina na tha Basa, ma tha Kemuele maka tha Arama,

GENESIS 11:27

Si ade la ne ita mai atha Tira nai nia. Tha Tira e tharea tha Aberamo, ma tha Neho, ma tha Harana; ma tha Harana e tharea tha Lota.

GENESIS 15:1

Buriana si do eki bae lana tha Jihova ka fula mai satha Aberamo ana sii na kera fatai lalaa ania, ka una eri, Osi mau, Aberamo: ni nau ṉa talo oe ma kwaiaraa oe ne baita ka tatha.