GENESIS 22:17 - Ṉa Alaofua Falu 1923 1949

¹⁷ Lea la, nau kwai alua mamana boo lea la fafi oe, ma kwai adea kwalafaa oe kai oro alaa, alafana fa bubulu lo i thalo ki mai, alafana lau boo migee one na ni fafo asi; ma kwalafaa oe kai ana ana maethakaa maalimae nia ki;

GENESIS 22:17 Referans Kwoze

GENESIS 15:5

Ma nia ka talaia mai thara, ka una eri, Lio fasi si maṉa eri uri thalo lo, oko teemai nia fa bubulu lo ki, soki thaitoomana teemai lada la: ma nia ka una eri isana, Kwalafamu keki oro ’uria fa bubulu eki.

GENESIS 13:16

Ma ni nau kwai adea na kwalafamu keki ’uria gegeona theegano: mada sa ta wane ka thaitoomana teemai lana gegeona theegano, kai teemai nia lau boo kwalafamu.

GENESIS 26:4

Ma ni nau kwai adea kwalafaa oe kai oro alaa, alafana fa bubulu lo i thalo ki mai, ma kwai falea fanua nei ki sui bana ifana kwalafaa oe ki; ma ana kwalafaa oe keki alua lea la ifana ina lana toa eki sui bana na ni fanua na i iano;

GENESIS 24:60

Ma kera alua lea la fafia ni Ribeka, keka soree isana, Waiwaena kamilia na ni oe, oki kwalafia tee tooni kudui imole, ma kwalafaa oe keki ana ana maethakaa toa eki na kera rikida ka taa.

Si do na kera fatai nia 11:15

Ma fiuna angel ka ufia buṉu; ma si ṉata la baita ki ka fula mai i thalo iburiana, na keka una eri, Ṉa tooa fanua nei iano ni naa ifana Lord kia, ma Christ nia: ma nia kai inoto ka tatha toto si sui.

Efesasi 1:3

Taṉo nia ne God na Lord kulu tha Jesus Christ ma Maka nia, ne alua lea la tha Spirit ka sui bana kai to fafi kulu asi do ṉa thalo ki atha Christ:

GENESIS 32:12

Mo sorea na ba, Nau kwai ilia mamana boo si do lea ifamu; kwai adea kwalafaa oe keki ’uria migee one na i la amali ne eteta, ka dora.

I. Korinitha 15:57

Ma sore lea kai ifatha God, na kai falea si kula eri ifakulua na si kulu kai tatha ania ana Lord kulu tha Jesus Christ.

GENESIS 28:3

Ma tha God ne Sukwai ka Tatha kai alua lea la fafi oe, kai adea na kwalafamu kai oro faamau ka lae alaa, fasi ina lana toa oro ki keki ita mai ani oe;

GENESIS 17:6

Ma ni nau kwai alua kwalafamu kai oro faamau ka lae alaa, ma nau kwai adea na kulee toa ki keki ita mai ani oe, ma kiṉa ki keki ita mai ana seemu.

GENESIS 12:2

Ma ni nau kwai adea na kulee toa na keki inoto faamau keki thafali mai ani oe, ma nau kwai falea lea la ifamu, kwai faabaitaa thatamu; ma kai lea iana imole ki inunufamu:

Roma 4:13

Sulaania alaṉaia eri atha Aberahamo ma ana kwalafa nia, na nia kai fulatoona inotoa fafia fanua nei iano, si do uria ṉa lo e ai, uria kokoto la eri ana fitooa.

Roma 9:27

Ma tha Aisaia ka ’ai sulia Isirela, Mada sa kwalafa tha Isirela keka oro mena ’uria lau boo migee one na ni amali, ṉadee toa na ni u isada na toto keki faamarukida:

Hibaru ki 6:14

Ka una eri, Lea la, nau kwai alua mamana boo lea la fafi oe, ma kwai ilia kwalafa oe ana oro la.

Hibaru ki 11:12

Mania ana tee nonii wane, ma wane eri ’uria ta wane mae, kwalafana ka tae mai ne oro ’uria fa bubulu i thalo lo ki, ma ’uria migee one, na ni ninimana amali, na eta eta ka dora.

GENESIS 25:11

Ma lalae mai, buriana mae lana tha Aberahamo, tha God ka falea lea la ifana kaluwane nia na tha Aesiki; ma tha Aesiki ka to bana isana malaui kafo eri i Bia‐lahai‐roi.

GENESIS 26:24

Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.

GENESIS 28:4

Kai falea lea la eri ifamu ne falea atha Aberahamo na ba, ṉa do fani oe, ma ifana kwalafamu bi oe; fasi oki ṉalia fanua nei no to ni laea iei, do oe bonaa neri, fanua eri na tha God e falea naa ifatha Aberahamo.

GENESIS 32:13

Ma nia ka to bana iei afa rodo eri boo; ma ka ṉalia tei do ana do eki na ni abana, fasi kai tona falea ifana thoona na tha Iso;

Nehemiah 9:23

Ma kwalafaa kera ki o adea keka oro faamau ka lae alaa, ka ’uria bubuluna thalo lo, mo talaida mai uria fanua eri no alaṉai nia ifana maka totoṉao kera ki, sorea sa keki lae uria, keki ṉalia ifada italaada.