GENESIS 22:14 - Ṉa Alaofua Falu 1923 1949

¹⁴ Ma tha Aberahamo ka alaṉia thatana si kula era ana Jihova‐jaera: sulia si do keka sorea ka fula ana itaraena, Do keki rikia i la gwa tolo tha Jihova neri.

GENESIS 22:14 Referans Kwoze

GENESIS 22:13

Ma tha Aberahamo ka tafoa maana, ka lio, ma, rikia fasi, tee fa sifi wane ni buriana, na ro susukee do na i maadarana ki e katu imaalutana kaala ’ai ki: ma tha Aberahamo ka lae, ka raua sifi wane eri, sui ka falea ana do ni afufu la na kai talaa kaluwane nia.

GENESIS 22:8

Ma tha Aberahamo ka sorea, Kaluwane nau ae, tha God ana kai thathaia ta lama, ṉa do ni afufu la fani nia italaana: mania ni keroa keko lae ofu kau.

GENESIS 28:19

Ma nia ka alaṉia thatana si kula eri i Bethele: ma thatana toaa susu eri inao mai i Lasa.

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

GENESIS 32:30

Ma tha Jekofo ka alaṉia thatana si kula eri ana i Beniele: uria ni nau ku lio i maana tha God, ma kera faamaruki nau, kwasi mae.

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

GENESIS 22:15

Ma angel tha Jihova ruana ka ’ai thatana tha Aberahamo faisia i thalo lo,