GENESIS 22:12 - Ṉa Alaofua Falu 1923 1949

¹² Ma angel eri ka sorea, Osi alua abamu fafia wela wane nei, osi ilia lau boo ta si do iana: sulaania si maṉa eri nau ku thaitoomana naa noko faare baita atha God, uria nosi lufia kaluwane oe, tee fa kaluwane oe nei, faisi nau.

GENESIS 22:12 Referans Kwoze

Jemesi 2:18

Iu, ta wane kai sorea, Amua fitooa, ni nau molo akua si ra ki: oki fatai nia fitooa oe isaku na si ra ki ka ai faisia, ma ni nau ana si ra nau ki kwai fatai nia fitooa nau isamu.

Roma 8:32

Nia ne ai si suusia taa la faisia Kaluwane nia i talaana, me alamatania uri kulu sui, e ai si tona falea bana si do ki sui bana iakulua bi nia?

I. Korinitha 10:13

E ai kesi bae aliṉamulua ana bae aliṉa la na imole e ai si talaana tofe la faisia: ma tha God e mamana, kei ei si alamatanida keki bae aliṉamulua ka tatha asi do na muki sukwai ania; ma bia bae aliṉa la eri kai fatai nia lau boo tala na muki thaka ania, fasi muki tofe faisia.

Mathui 19:29

Ma ni tei ne akwasia maafera ki, mado doorana kera, mado waiwaena nia ki, mado maka nia, mado thainana, mado wela ki, mado oole ki, inunufana thataku, toto kai ṉalia tee taleṉee do fuliṉana do ne akwasidaki, ma kai fulatoona marukia tatha.

GENESIS 26:5

Sulaania tha Aberahamo e ade sulia ṉata laku, me roo sulia si faaroṉoa nau, ma si ṉataa fifi nau ki, ma si do ku gwaludaki naa, ma lo nau ki.

GENESIS 22:2

Ma ni nia ka una eri, Si maṉa eri oko talaia fasi kaluwane oe, tee fa kaluwane oe ba, na tha Aesiki, no liothau iana, lae kamua uri la fanua i Moraea; kula eri naa, oki bii fale nia ana do ni afufu i gwauna tee gwa tolo na ni nau kwai faaroṉo oe ania.

Jone 3:16

Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.

Fa Ṉu Abu ki 147:11

Tha Jihova ka rikia ka lea toa na keka faare baita iana, toa eki na keka manatatoo ṉado uria tatakomia nia.

Fa Ṉu Abu ki 25:12

Ni tei na wane na ka faare baita atha Jihova? nia kai to’oa isana wane eri tala na nia kai filia ifana.

Roma 5:8

Ma tha God ana kai ṉata ifana liothau la nia uri kulu, uria si kula eri, si kada na kulu abubula taa u mena, tha Christ e mae uri kulu.

II. Korinitha 8:12

Sulaania mada sa ta wane e fifarao, kera ala fafia asi do nia rikidaki, ma asi do ne ai si rikidaki ka ai.

Si do Aposela ki kera ilidaki 9:31

Sui figua eri ana fanua i Judia sui boo ma i Galili ma i Sameria e to ana enenoa, ma kera faasukwaida, ma, uria na kera abula ana mau la uria tha Lord ma ana faainamaruki la na tha Spirit Abu e faainamarukida ania, kera oro ka oli alaa.

Fa Ṉu Abu ki 25:14

Si do thaufuni tha Jihova ni sana toa eki na kera faare baita iana; ma nia kai fatai nia alaofua nia isada.

Mathui 16:24

Sui tha Jesus ka soree isana toa nia ne toleda, Mada sa ta wane kai thathamii lae iburiaku, nia kai sorea nia dora ani nia i talaana, kai ṉalia ’ai rarafolo nia, ma kai lae iburiaku.

Nehemiah 5:15

Wane gafumanu ki na kera gwauwai, na kera toto inaoku, kera suuwai nia toa eki keka usida boo, keka ṉalia ta si faṉa ma ta si waene faisida, fai tafulu sekele ana silifa ka safua; iu, wane ni ra kera ki mena keka thasi naunau uria toa eki: ni nau molo, uria faare baita la na nau ku faare baita atha God, e a’i kwasi ade una eri.

GENESIS 20:11

Ma tha Aberahamo ka una eri, Uria na manataku e soso, E mamana boo, faare baita la atha God e a’i si ni kunei: ma keki thauṉi nau inunufana ai nau.

Hibaru ki 12:28

Mania, uria na kuki ṉalia tooa na kesi talaana igi lana, akulua lea la, si do na kai adea na kuki falea si ra na kai lea atha God ana fare baita la iana ma mau la:

Mathui 5:16

Una eri lau boo lalaa la na ka ni ani kamulua kei laa inaona imole, fasi keka rikia ra lea kamulua ki, ma keki taṉoa Maka kamulua ne ni mei thalo.

Fa Ṉu Abu ki 111:10

Si lio ni faare baita la atha Jihova na ṉa thafali lana liotooa; toa eki sui bana na kera ade sulia keka thaitoomana lea maalutana si do ki: toa na fanua keki taṉoa toto si sui.

Fa Ṉu Abu ki 2:11

Ra ifatha Jihova ana mau la iana, mulu seethathala mena, muka leleba lau boo.

Fa Ṉu Abu ki 1:6

Uria na tha Jihova e thaitoomana tala toa kokoto: tala eri molo toa na kera faare faekwa atha God toto kai sui bonaa.

Hibaru ki 11:19

Manatana na tha God e sukwai fasi kai tataea imole, faisia toa mae ki mena; si kula na kera oli boo fafi nia isana faisia ana tarifula.

GENESIS 42:18

Ma ana ula fa boṉi eri tha Josefa ka soree isada, Si ade la na muki ilia na muki maruki sulia nania; uria ni nau ku faare baita atha God:

Si do na kera fatai nia 19:5

Ma liṉana si ṉata la ka maṉo mai faisia do ni ono la ana inotoa eri, ne una eri, Muki taṉoa God kia, kamulua toa ni ra nia ki sui boo, ma kamulua na mulu mau ani nia, toa fakoka ki bia toa inoto ki.

GENESIS 22:13

Ma tha Aberahamo ka tafoa maana, ka lio, ma, rikia fasi, tee fa sifi wane ni buriana, na ro susukee do na i maadarana ki e katu imaalutana kaala ’ai ki: ma tha Aberahamo ka lae, ka raua sifi wane eri, sui ka falea ana do ni afufu la na kai talaa kaluwane nia.

GENESIS 22:16

Ka una eri, Nau ku othi naa ana thataku italaaku, tha Jihova e sorea, uria no ilia si do nei, uria nosi lufia kaluwane oe, tee fa kaluwane oe nei: