God ’ae, God nau na ni oe; i la uusuwadia u boo kwai rofe uri oe: lioku e lalaṉa uri oe, seeku ka thathami oe faamau i la fanua raraṉea ne faafedaa imole, si kula ne a’i ta kafo si ni iei.
Ma tha Aberahamo ka tatae i la si uusuwadia u boo, ka ṉalia ta si berede, ma do kafo ni iei, ka falea fani Hega, ka alua i gwauna abana, ma wela eri lau boo, sui ka arasi nia kau: ma kini eri e lae faisia, ka liliu i la fanua kwasi i Biasifa.
Ma kini eri e lae kau, ka ono i otofana ka suka ni tau faisia, ’uria si kula mada sa kera basi ana io, ka fula iei: sulaani nia e una eri, Ada kwa rikia mae lana wela nei. Ma nia ka ono i otofana, ka ’ai baita ana aṉi la.