GENESIS 20:6 - Ṉa Alaofua Falu 1923 1949

⁶ Ma tha God ka soree isana ana moosubole, Iu, do ku thaitoomana neri; o ilia si do ba asi lio mamana i ruruumu; mania ni nau lau boo ku suusi oe osi abula taa uri nau: sulia si kula eri nau e a’i kwasi alamatai oe oki suana kini eri.

GENESIS 20:6 Referans Kwoze

GENESIS 35:5

Ma kera lae nada: ma aanu la ita atha God ka to fafia toaa susu eki na ni kakali kera, ma kesi tari buriana kaluwane tha Jekofo ki.

GENESIS 31:7

Ma maka kamaroa e lole nau, me talaa foli laku ana tafulu si maṉa; una ena mena, tha God e a’i si alamatai nia si faare taa iaku.

II. Thesalonika 2:7

Sulaania si lio asi do kera lufia kai ra thaufuni si maṉa eri mena: ma sui nia na ka lufia to bana si maṉa eri, maakwalia si maṉa na toto keki idua.

Fa Ṉu Abu ki 84:11

Uria na tha Jihova God na ṉa thato ma ṉa talo: tha Jihova kai tona falea kwaiofei la ma inotoa baita: kei e’i si lufia ta si do lea faisia toa eki na abula lade oolo.

II. Korinitha 6:17

Mania Muki lae kau faisida, ma muka eeta, tha Lord e sorea, Ma musi suana do ne ai si falu; Ma nau kwai thathagoni kamulua mai,

Fa Ṉu Abu ki 81:12

Mania ku alamatanida keka abula sulia si thathami la taa na i ruruuda, fasi keki lae sulia manatada italaada.

Fa Ṉu Abu ki 51:4

Ni oe, talifili oe, na nau ku abula taa iamu na ba, ku ilia do taa nei no rikia ana maamu: fasi keki ala fafia kokoto lamu maṉa o bae mai, liomu kai dodoloa asi maṉa noki bae mala wane ni kotu.

GENESIS 39:9

E a’i ta wane i maafera nei si baita si tatha ani nau; ma nia e a’i si lufia ta si do faisi nau, talifili oe boo, uria na kwaina na ni oe; mania nifana ade lana fasi kwa ilia si do nei ne taa ka tatha, kwa abula taa uria tha God?

GENESIS 20:18

Uria na tha Jihova e bokosi teefau ana rakena kini eki sui bana na i maafera tha Abimileka, sulia ni Sera, na kwaina tha Aberahamo.

II. Thesalonika 2:11

Ma sulia si kula eri tha God kai falea ra na ka faagaro kera ifada, fasi keki fitoona lole la:

I. Korinitha 7:1

Ma sulia si do ba na mulu kekeda mai sulidaki: Lea ifana wane ne ai si suana kini.

GENESIS 26:11

Ma tha Abimileka e ṉata fifi isana toa nia ki sui bana, ka una eri, Ni tei na kai suana wane nei mado kwaina, e a’i si e’i keki thauṉi nia kai mae.

GENESIS 3:3

Sui ana foana ’ai na ni initoona ra eri, tha God e una eri, Mosi ania, mosi suana, ada moka maelia.

Mathui 27:19

Si maṉa nia kai ono ana do ni ono la ana kotu, kwaina e kwaiarasi isana, ka una eri, Oko to faisia wane kokoto ena: uria na do oro e uri nau itaraena i la moosubolea sulaani nia.

GENESIS 31:24

Ma tha God e lae mai satha Lebana, na wane eri i Siria, ana moosubolea afa rodo, ka soree isana, Beta suli oe ada oko sorea si do lea isatha Jekofo, mado si do taa.