GENESIS 2:7 - Ṉa Alaofua Falu 1923 1949

⁷ Ma tha Jihova God e thauwai nia wane ana gegeona theegano, ka ufu sulia ro malee gwalusu nia ki asi maṉo ni marukia; ma wane eri ka bii maruki.

GENESIS 2:7 Referans Kwoze

I. Korinitha 15:45

’Uria lau boo na kera keda, Tha Adam totolenao na ṉa do maruki. Tha Adam, Wane buri, na ṉa Spirit na kai kwaifaamaruki.

Si do Aposela ki kera ilidaki 17:25

Ma kesi ra ani nia ana abee imole, ’uria sa nia rofea ta si do, uria ni nia ka falea marukia, ma si maṉo, ma si do ki sui bana, ani kia sui;

I. Korinitha 15:47

Wane totonao ita mai i theegano, do ana gano nania: Wane iburi na ṉa Lord ne ita mai ana ṉa thalo.

GENESIS 3:19

Ana iidana maamu oki ania berede, ka fula asi maṉa na toto oki oli lau uri theegano; sulaania kera ṉali oe mai faisia: uria ni oe ṉa do ana gegeona theegano, ma toto oki oli lau uria gegeona theegano eri.

GENESIS 7:22

Do eki sui bana na si maṉo ni marukia e maṉo mai sulia gwalusuda, na ṉa do maruki eki sui boo na kera ni la fanua raraṉea, kera sui kera mae bonaa.

Fa Ṉu Abu ki 103:14

Uria ne thaitoomana thauwai la eri ne thauwai kia mania; e manatatoona ni kia ṉa do ana gegeona theegano.

Fa Ṉu Abu ki 100:3

Thaitoomana fasi tha Jihova na nia God boo: ni nia ana ne thauwai kulu, ma ni kulu na do nia ki; toa nia ki na ni kulu, ma aini sifi na nia e thare kulu.

Roma 9:20

E ai, kale ena, oe ni tei fasi oki luua tha God? Si do na kera thauwai nia kai soree isani nia ne thauwai nia, Uria ta no thauwai nau kwa unei?

GENESIS 3:23

Sulia si kula eri tha Jihova God ka arasi nia ka lae nana faisia ra eri i Itena, kai ’ilia theegano eri ne ita mai ania.

Hibaru ki 12:9

Ma sui lau boo, akulua maka kulu ki ana seekulua na kera kwakwae kulu ana faaoolo lakulua la, ma kulu fare baita iada: kusi roo faamau ka tatha sulia Maka ana spirit ki, fasi kuki maruki?

II. Korinitha 5:1

Sulaania mili thaitoomana biui maku kamilia na mili to iei i fanua nei iano mada sa kere ogea, amilia ta biu na tha God kai tabalia, biu na kesi thauwai nia ana abee imole, na kai to tatha, i thalo lo ki.

II. Korinitha 4:7

Ma ogogonia eri ni isakulua i la do na kera thauwai nia asi gano, fasi sukwaia eri ne babaita ka tatha kai ita mai atha God, ani kamilia i talaamilia ka ai;

Jone 20:22

Buriana ne sorea si do eri, nia ufu fafi kera, ka soree isada, Muki ṉalia tha Spirit Abu:

I. Timothi 2:13

Uria tha Adam kera thauwai nia totonao, sui ni Eve;

GENESIS 2:6

Ma sui si datha ka tae iaa faisia fanua ne i iano, ka faagwinaa maana theegano ka sui boo.

GENESIS 1:27

Mania tha God e thauwai nia imole sulia nuuna italaana, sulia nuuna tha God e thauwai nia neri; e thauwanidaroa wane ma kini.