GENESIS 19:29 - Ṉa Alaofua Falu 1923 1949

²⁹ Ma lalae mai, si maṉa ba na tha God e faafunuia toaa susu eki ana fanua dedema eri, tha God ka onotoona tha Aberahamo, ka arasia tha Lota ka lae faisia imaalutana si do eki na kera thau labatania neri, si maṉa ba ne thau labatania toaa susu eki na tha Lota e toto mai iei.

GENESIS 19:29 Referans Kwoze

GENESIS 8:1

Ma tha God ka onotoona tha Noa, ma do maruki eki sui boo, ma aini katele ki, do eki sui bana na keka to bi nia i la aka: ma tha God ka falea mai thauthau na ka tatha fafia fanua ne i iano, ma kafo eki ka totoo;

Fa Ṉu Abu ki 25:7

Ada oko onotoona abula taa la nau ki asi maṉa ku bii baita, ma abula laku ne garo: sulia ade lea lamu oko onotooku fasi, inunufana si lio oe ne lea, Jihova ae.

II. Pita 2:7

Me faamarukia wane kokoto eri tha Lota, ne taa faamau iana uria abula lana toa taa eki ana daidei la

Fa Ṉu Abu ki 145:20

Tha Jihova kai fono toi kakalia toa eki sui boo na keka liothau iana; toa taa ki sui bana molo, nia kai faafunuida.

Fa Ṉu Abu ki 136:23

Ni nia ne onotookulua ana thafee to faekwa la kulu: uria na tatakomia nia ka toto si sui.

Fa Ṉu Abu ki 106:4

Onotooku fasi, Jihova ae, ana ade lea lamu no ade lea ania uria toa oe ki; oko thai suli nau ana marukia oe noki faamaruki nau mania:

Fa Ṉu Abu ki 105:42

Uria ne onotoona si baea abu nia ma wane ni ra nia eri na tha Aberahamo.

Nehemiah 13:22

Ma nau ku nata fifi sana Lifaete ki sa keki faafaalu kera italaada, sui keki lae mai, keki fono toi kalia maethakaa ki, fasi keki abutei nia fa boṉi mamaloa. God nau ae, oko onotooku fasi sulia si ade la nei lau boo, ma oki suusia taa la faisi nau asi lio oe ana tatakomi la baita.

Nehemiah 13:14

God nau ae, oko onotooku sulia si ade la eri, mosi usua kau si ade la lea nau ki na nau ku ilia na ba ifana biu God nau, ma si ra ne farana sa keki ilidaki ifana.

GENESIS 30:22

Ma tha God ka onotoona ni Resela, ma tha God ka fafuroṉo nia mai, ka falea mai wela i rakena.

GENESIS 12:2

Ma ni nau kwai adea na kulee toa na keki inoto faamau keki thafali mai ani oe, ma nau kwai falea lea la ifamu, kwai faabaitaa thatamu; ma kai lea iana imole ki inunufamu:

Fa Ṉu Abu ki 105:8

Nia e onotoona toto si sui alaofua nia ba, na si baea ne ṉata fifi sulia isana tee tooni unii wane;

GENESIS 11:27

Si ade la ne ita mai atha Tira nai nia. Tha Tira e tharea tha Aberamo, ma tha Neho, ma tha Harana; ma tha Harana e tharea tha Lota.