GENESIS 18:7 - Ṉa Alaofua Falu 1923 1949

⁷ Ma tha Aberahamo ka fita kau isana aini buloka, ka nalia mai tee fa kalee buloka ne mamaguru ma ka lea, ka falea i abana tee wane bii baita, ma wane eri ka lae fofoa uri beta lana.

GENESIS 18:7 Referans Kwoze

Luke 15:30

Ma si maṉa u boo na kaluwane oe nei e fula, ne labatania si do oe ki bia sesele ki, oko kwaia bamua kalee buloka ba ne gwagwarurutaa ifana.

Luke 15:27

Ma nia ka soree isana, Dooramu e fula; ma maka oe e kwaia kalee buloka ba ne gwagwarurutaa, uria ne riki nia lau, ta si do si uria.

Luke 15:23

Ma muka tolea mai kalee buloka ne gwagwarurutaa, muka kwaia, kuki ania, kuka seethathala:

Mathui 22:4

Sui lau nia ka arasia tei toa ni ra lau, ka una eri, Muki faaroṉoa toa na kera laefida mai, Rikia fasi, ku thauwai nia faṉa nau uri la thato ka kwaimaakwali: ku kwaia naa buloka nau ki bia do ku tharea ka gwagwarurutaa, ma si do ki sui bana kera alua naa maasi kamulua: muki lae mai isana fafaṉa ana lumaa nei.

GENESIS 19:3

Ma nia ka suwanidaroa faamau, sui keko akele mai isana, keko kotho i maafera nia; ma nia ka thasi faṉa ifadaroa, ka biia ta si berede e a’i ta lefena iei, ma keko rere adaroa.

GENESIS 18:6

Ma tha Aberahamo ka lakwasia kau uri la biui‐maku isani Sera, ka una eri, Oko kwaimaasi ana ulu ma’e do ana mila maemaea, oko kumua, oko biia tei kali fa lofu i la era.

GENESIS 18:8

Ma nia ka ṉalia mai ta si bata, ma ta si susu, ma kalee buloka eri ne betaa, ka alua inaofada; ma nia ka takwe isada i nuuna ’ai eri, keka rere ada.