GENESIS 17:7 - Ṉa Alaofua Falu 1923 1949

⁷ Ma ni nau kwai kania alaofua nau kai ṉado imaalutaku ma ni oe, ma kwalafamu iburiamu sulia unii wane kera ki, alaofua neri na kai toto si sui, sorea ni nau ṉa God ifamu, ma ifana kwalafamu iburiamu.

GENESIS 17:7 Referans Kwoze

GENESIS 26:24

Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.

Si do Aposela ki kera ilidaki 2:39

Sulaania alaṉaia eri na do ifamulua, ma ifana wela kamulua ki, ma ifana toa ni sui bana na kera ni da, toa eri sui boo na tha Lord na God kulu kai ailia mai.

GENESIS 15:18

Afa boṉi eri boo tha Jihova e kania alaofua bia tha Aberamo, ka una eri, Ifana kwalafamu ku falea naa fanua nei, ka thafali mai ana kafo na ka lio uri Ijifi, lalae ka fula ana kafo baita eri, na kafo thatana Iupetisi:

Hibaru ki 8:10

Uria na alaofua eri na nau kwai kani fafia bia kwalafa tha Isirela Buriana fa boṉi eki nai nia, tha Lord e sorea; Nau kwai alua lo nau ki i manatada, Ma i la ruruuda kwai keda lau boo lo eki: Ma nau kwai God ifada, Ma keki toa nau ki:

Hibaru ki 11:16

Ma keka thathamia ada fanua ne lea ka tatha, na ṉa fanua i thalo: mania tha God e ai si seenoni suli kera, fasi keka alaṉi nia ana God kera: uria ne beta toaa susu maakwali kera.

GENESIS 28:13

Ma, rikia fasi, tha Jihova ka takwe mai i gwauna, ka una eri, Ni nau tha Jihova, na God kokoo oe na tha Aberahamo, ma God tha Aesiki: fanua nei, noko teo iei, kwai falea ifamu, ma ifana kwalafamu:

Roma 9:4

Na kera kwalafa tha Isirela; na si do kera ki na ṉa thathagoni lada la eri keki wela tha God ki, ma ṉa inotoa, ma alaofua ba ki, ma ṉa fale la na kera falea ana ṉa lo, ma ṉa ra ifatha God, ma alaṉaia ba ki;

Mako 10:14

Ma si maṉa na tha Jesus e rikia, ka taa faamau iana, ma nia ka soree isada, Alamatania kala wela keka lae mai isaku; ma musi lufida: uria na toa na kera ’urida kera ni ana tooa tha God.

Mathui 22:32

Nau God tha Aberahamo ma God tha Aesaka ma God tha Jekofo? Tha God ṉa God toa mae e ai, nia God toa maruki.

Efesasi 2:2

Na mulu abula sulia dini mai inao sulia si maṉo eri na ni ana toa na fanua nei iano, suli nia ne inoto ana toa gwauwai eki i la mamatalea, spirit na ka ra si maṉa eri i lala unii wane na kera ade faisia si ṉata;

Fa Ṉu Abu ki 81:10

Ni nau tha Jihova na God oe, na ku talai oe mai faisia fanua eri i Ijifi: oko ifinia fokomu kai laa baita, ma ni nau kwai adea kai funu.

GENESIS 6:18

Ma ni oe, nau kwai kania alaofua nau bi oe; ma oki kotho la aka, ni oe, ma kaluwane oe ki, ma kwaimu, ma ulu kini fuṉao oe ki bi oe.

GENESIS 17:13

Wane ne futa mai i maafera oe, ma wane no usia mai ana malefo oe, e a’i si e’i boo keki kwai kali nia: ma alaofua nau eri kai to bonaa i seemulua, na alaofua na kai toto si sui.

GENESIS 17:19

Ma tha God ka una eri, Kwaimu na ni Sera kai tharea ta wela wane ifamu mamana boo; ma oki alaṉia thatana atha Aesiki: ma nau kwai kania alaofua nau eri kai nado ifana, na alaofua na kai toto si sui, bi nia ma bia kwalafana iburiana.

GENESIS 9:16

Ma fulaaro kai to bana i lala si datha; ma ni nau kwai lio uria, fasi kwai onotoona alaofua eri na kai toto si sui, na kera kania imaalutana tha God ma do maruki‐ki sui bana seeda ka to bana i fanua na i iano.