GENESIS 17:23 - Ṉa Alaofua Falu 1923 1949

²³ Ma tha Aberahamo ka talaia kaluwane nia na tha Isimela, ma wane eki sui bana na kera futa mai maafera nia, ma wane eki sui bana ne usida mai ana malefo nia, wane eki sui boo ana toa na i maafera tha Aberahamo, ka kwa’i kalia doṉana seeda afa boṉi eri boo, sulia si ade la na tha God e ṉata sulia isana.

GENESIS 17:23 Referans Kwoze

Fa Ṉu Abu ki 119:60

Ku lae lakwalakwa uria roo la sulia si ṉataa oe ki; e a’i kwasi totoo.

GENESIS 34:24

Ma toa eki sui bana na kera tatha kau i la maethakaa toaa susu nia, keka roo sulia bae lana tha Hemo ma bae lana kaluwane nia na tha Sekema; ma keka kwa’i kalia wane eki sui boo ana toa ni sui bana na kera tatha kau i la maethakaa toaa susu nia.

GENESIS 18:19

Uria nau ku thaitoomana ni nia na wane na kai ṉata fifi isana kwalafana ma toa na i maafera nia iburiana, ma keki lae nada sulia tala tha Jihova, keki ilia kokoto la ma oolo la; fasi tha Jihova kai adea kai mamana fafia tha Aberahamo si ade la eri ne ṉata sulia na ba suli nia.

Galesia 6:15

Sulaania atha Christ Jesus kwai kakali la e ai si kwaiadomi, ma to lana toa kesi kwai kakali anida ka ai lau boo, talitoona boo thauwai falu la.

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Si do Aposela ki kera ilidaki 16:3

Tha Polo e thathamia nia kai lae bi nia; ma nia tolea, ka kwai kakali ania uria Ju nai fanua eri ki: sulaania kera sui kera thaitoomana na maka nia ṉa wane i Girisi.

GENESIS 14:14

Ma tha Aberamo e roṉoa naa maalimae e laua kaluwane doorana, nia ka bii tatha inaona omea nia ne to’oa firu la isada, na kera kwalafida sui i maafera nia, ulu talenee, wane ma tee akwala ma kwalu wane, ka tari buriada lalae ka fula i Dana.

GENESIS 17:9

Ma tha God ka soree isatha Aberahamo, Mania, oki ade sulia alaofua nau nei, ni oe, ma kwalafaa oe ki iburiamu sulia unii wane kera ki.