GENESIS 14:12 - Ṉa Alaofua Falu 1923 1949

¹² Ma kera ṉalia tha Lota, kaluwane doorana tha Aberamo, ne toto i Sodoma, ma ogogonia nia ki, keka lae nada fafia.

GENESIS 14:12 Referans Kwoze

GENESIS 12:5

Ma tha Aberamo ka talaia kau kwaina na ni Serai, ma tha Lota na kaluwane doorana, ma ogogonia kera na kera ofua mai, ma imole eki na kera safu kera anida i Harana; ma keka lae kau fasi keki lae uria fanua i Kenana; lalae keka fulatoona boo fanua eri i Kenana.

Si do na kera fatai nia 3:19

Nau ku sorea toa eki sui bana na nau ku liothau anida, ma ku kwaeda ana faaoolo lada: mania oki seemabe, ma oki akeletania manatamu.

GENESIS 11:27

Si ade la ne ita mai atha Tira nai nia. Tha Tira e tharea tha Aberamo, ma tha Neho, ma tha Harana; ma tha Harana e tharea tha Lota.

Si do na kera fatai nia 18:4

Ma nau ku roṉoa liṉana si ṉata la eeta lau i thalo, ne una eri, Toa nau ae, muki lae mai faisia, musi kwaimani bi nia ana abula taa la nia ki, fasi e ai musi ṉalia tai si ana unii taa la nia ki:

GENESIS 14:11

Ma maalimae eki kera ṉalia ogogonia kera ni sui bana faisia i Sodoma ma i Gomora, ma do ni faṉa la kera sui boo, sui keka lae nada.

GENESIS 14:14

Ma tha Aberamo e roṉoa naa maalimae e laua kaluwane doorana, nia ka bii tatha inaona omea nia ne to’oa firu la isada, na kera kwalafida sui i maafera nia, ulu talenee, wane ma tee akwala ma kwalu wane, ka tari buriada lalae ka fula i Dana.

GENESIS 14:16

Ma nia ka oli fafia ogogonia eki sui bana, ka oli lau boo fafia kaluwane doorana na tha Lota, ma ogogonia nia ki, ma kini eki lau boo, ma toa eki.

GENESIS 11:31

Ma tha Tira ka talaia kaluwane nia na tha Aberamo, ma kokoo nia na tha Lota, kaluwane tha Harana na kaluwane nia, ma ni Serai na kini‐fuṉao nia, kwaina kaluwane nia na tha Aberamo; ma kera lae ofu kau faisia i A, na fanua toa i Kaladia, sa keki lae uria fanua i Kenana; ma lalae kera fula i Harana, keka to iei.