GENESIS 13:17 - Ṉa Alaofua Falu 1923 1949

¹⁷ Tatae, laefia fanua nei sulia tekwa lana ma rerebaa lana; uria ni nau kwai falea boo ifamu.

GENESIS 13:17 Referans Kwoze

GENESIS 13:15

Uria na fanua nei sui bana noko rikia nania nau kwai falea ifamu ma ifana kwalafamu toto si sui.

GENESIS 15:7

Ma nia ka una eri isana, Ni nau tha Jihova na ku talai oe mai faisia i A, na fanua toa i Kaladia, fasi kwai falea fanua nei iamu, do oe bonaa neri.

GENESIS 17:8

Ma ni nau kwai falea ifamu ma ifana kwalafaa oe ki iburiamu, fanua nei noko to ni laea iei, fanua i Kenana ni sui bana neri, ṉa fanua kamulua u boo toto si sui; ma God kera na ni nau.

GENESIS 28:13

Ma, rikia fasi, tha Jihova ka takwe mai i gwauna, ka una eri, Ni nau tha Jihova, na God kokoo oe na tha Aberahamo, ma God tha Aesiki: fanua nei, noko teo iei, kwai falea ifamu, ma ifana kwalafamu:

GENESIS 50:24

Ma tha Josefa ka soree isana doorana kera, Ni nau kwai mae: ma tha God kai thai mamana boo suli kamulua, kai talai kamulua kau faisia fanua nei uria fanua eri ne othi sulia na ba isatha Aberahamo, ma tha Aesiki, ma tha Jekofo.

GENESIS 12:7

Ma tha Jihova ka fula fatai mai satha Aberamo, ka una eri, Ifana kwalafamu kwai falea boo fanua nei: ma nia ka thauwai nia fulii era ni foa la iei ifatha Jihova, ne fula fatai mai isana.