GENESIS 12:7 - Ṉa Alaofua Falu 1923 1949

⁷ Ma tha Jihova ka fula fatai mai satha Aberamo, ka una eri, Ifana kwalafamu kwai falea boo fanua nei: ma nia ka thauwai nia fulii era ni foa la iei ifatha Jihova, ne fula fatai mai isana.

GENESIS 12:7 Referans Kwoze

Galesia 3:16

Sui tha Aberahamo ana kera ṉata sulia si alaṉaia eki ifana, ma ifana kwalafana. E ai si sorea, Ifana kwalafana ki, ’uria sa wane oro ki; ma ’uria sa sulia tee nonii wane, Ma ifana kwalafamu, ma kwalafa eri na tha Christ.

GENESIS 17:8

Ma ni nau kwai falea ifamu ma ifana kwalafaa oe ki iburiamu, fanua nei noko to ni laea iei, fanua i Kenana ni sui bana neri, ṉa fanua kamulua u boo toto si sui; ma God kera na ni nau.

GENESIS 17:1

Ma si maṉa na sikwa tafulu fa ṉali ma sikwa fa ṉali e sui atha Aberamo, tha Jihova ka fula fatai isatha Aberamo, ka soree isana, Ni nau ṉa God Rigita ka Tatha; oki lae inaofana maaku, ma abula lamu kai oolo teefau.

GENESIS 18:1

Ma tha Jihova ka fula fatai isana i la fanua dedema tha Mamari ki: ma nia ka ono bana isana maana olofolo ana biui‐maku asi maṉa thato ka thatofifi;

GENESIS 13:15

Uria na fanua nei sui bana noko rikia nania nau kwai falea ifamu ma ifana kwalafamu toto si sui.

GENESIS 13:4

Isana si kula ana fulii era ni foa la eri, ne thauwai nia iei inao mai: ma kula eri naa, tha Aberamo ka bii ’ai thatana tha Jihova.

GENESIS 13:18

Sui tha Aberamo ka idua biui‐maku nia, ka lae mai, ka to bana i la fanua dedema i Mamari, na ni Hefirono; ma kula eri naa, ka bii thauwai nia fulii era ni foa la ifatha Jihova.

GENESIS 32:30

Ma tha Jekofo ka alaṉia thatana si kula eri ana i Beniele: uria ni nau ku lio i maana tha God, ma kera faamaruki nau, kwasi mae.

GENESIS 26:25

Ma nia ka thauwai nia fulii era ni foa la iei, ka ’ai thatana tha Jihova, ka kasia biui‐maku nia iei: ma asi kula eri wane ni ra tha Aesiki ki keka ’ilia malaui kafo.

GENESIS 12:8

Ma nia ka idu kau faisia fanua eri uria tee gwa tolo karaṉia i Bethele ibali tae lana thato, ka kasia biui‐maku nia imaalutana Bethele ibali su lana thato, ma Ai ibali tae lana thato: ma i fanua eri nia ka thauwai nia fulii era ni foa la ifatha Jihova, ka ’ai thataṉa tha Jihova.

Hibaru ki 11:13

Toa eki sui boo kera mae fafia fitooa kera, si maṉa na kesi ṉalia u alaṉaia eki, kera rikia ni da u mai ma kera riki lea ania, ma keka faamamanea na kera toa ta fanua eeta ma toa kwaita ki i fanua nei iano.

Roma 9:8

Ma toolaṉai lana si do eri neri, baree wela ana see imole e ai na kera baree wela tha God ki; kera alua baree wela ana alaṉaia eri ifana ana kwalafa nia.

GENESIS 22:9

Ma lalae kero fulatoona naa si kula eri na tha God e faaroṉo nia mania, tha Aberahamo ka bii thauwai nia fulii era ni foa la iei, ka tharaṉania ifii ’ei, ka kani fafia kaluwane nia na tha Aesiki, sui ka reriṉania fafia fulii era ni foa la i fafona si ’ei eki.

GENESIS 17:3

Ma tha Aberamo ka aru fafia maana: ma tha God ka ṉata bi nia, ka una eri,

GENESIS 15:18

Afa boṉi eri boo tha Jihova e kania alaofua bia tha Aberamo, ka una eri, Ifana kwalafamu ku falea naa fanua nei, ka thafali mai ana kafo na ka lio uri Ijifi, lalae ka fula ana kafo baita eri, na kafo thatana Iupetisi:

Galesia 4:28

Ma ni kulu, doora kera, uria lau boo tha Aisaka, kulu baree wela ana alaṉaia eri.

GENESIS 33:20

Ma nia ka thauwai nia fulii era ni foa la iei, ka alaṉia thatana ana Eleloe‐Isirela.

GENESIS 28:13

Ma, rikia fasi, tha Jihova ka takwe mai i gwauna, ka una eri, Ni nau tha Jihova, na God kokoo oe na tha Aberahamo, ma God tha Aesiki: fanua nei, noko teo iei, kwai falea ifamu, ma ifana kwalafamu:

GENESIS 26:3

Oki to ni laea i fanua nei, ma ni nau kwai to bi oe, kwai alua lea la fafi oe; uria ni nau kwai falea fanua nei ki sui bana ifamu, ma ifana kwalafamu, ma ni nau kwai ade sulia othi la na nau ku othia na ba isana maka oe na tha Aberahamo.

GENESIS 8:20

Ma tha Noa ka thauwai nia fulii era ni foa la ifatha Jihova; ka ṉalia tei do ana do maruki eki sui bana na kera faalu, ma tei thaaro ana thaaro eki sui bana na kera faalu, ka falea do ni afufu ki fafia fulii era ni foa la eri.

Si do Aposela ki kera ilidaki 7:5

Me ai si falea ta si kula ifana i fanua eri, e ai ta kasi gano mena na nia kai alua aaena i fafona: ma nia alaṉai toto kai falea fanua eri ifana, fanua nia ni bonaa, ma kwalafana iburiana, si maṉa ne ai si welaa u neri.

Hibaru ki 11:8

Ana fitooa tha Aberahamo, si maṉa na kera ailia na ba, e ade sulia si ṉata fasi ka lae kau uria ta fanua na kera tooa kai ṉalia ana do nia i talaana; ma nia lae kau, si maṉa ne dora ania ifei ne lae uria.

GENESIS 24:7

Tha Jihova, ṉa God i thalo lo, ne talai nau mai faisia maafera maka nau, ma fanua ina laku kera, nia ne ṉata mai isaku, ma ka othi isaku, be una eri, Ifana kwalafamu kwai falea fanua nei; ni nia kai arasia angel nia na kai tatha inaomu, ma oki tolea mai ta kini ifana kaluwane nau faisia fanua eri.

GENESIS 13:17

Tatae, laefia fanua nei sulia tekwa lana ma rerebaa lana; uria ni nau kwai falea boo ifamu.

GENESIS 28:4

Kai falea lea la eri ifamu ne falea atha Aberahamo na ba, ṉa do fani oe, ma ifana kwalafamu bi oe; fasi oki ṉalia fanua nei no to ni laea iei, do oe bonaa neri, fanua eri na tha God e falea naa ifatha Aberahamo.

GENESIS 35:7

Ma nia ka thauwai nia fulii era ni foa la iei, ka alaṉia thatana fanua eri ana Ele‐bethele: uria na tha God e fula fatai isana i la fanua eri, si maṉa ba ne thaka faisia maana thoona.

GENESIS 35:12

Ma fanua eri na nau ku falea naa ifatha Aberahamo ma tha Aesiki, kwai falea boo ifamu; ma ifana kwalafamu na keki to bada iburiamu kwai falea boo fanua eri.

GENESIS 50:24

Ma tha Josefa ka soree isana doorana kera, Ni nau kwai mae: ma tha God kai thai mamana boo suli kamulua, kai talai kamulua kau faisia fanua nei uria fanua eri ne othi sulia na ba isatha Aberahamo, ma tha Aesiki, ma tha Jekofo.