GENESIS 11:31 - Ṉa Alaofua Falu 1923 1949

³¹ Ma tha Tira ka talaia kaluwane nia na tha Aberamo, ma kokoo nia na tha Lota, kaluwane tha Harana na kaluwane nia, ma ni Serai na kini‐fuṉao nia, kwaina kaluwane nia na tha Aberamo; ma kera lae ofu kau faisia i A, na fanua toa i Kaladia, sa keki lae uria fanua i Kenana; ma lalae kera fula i Harana, keka to iei.

GENESIS 11:31 Referans Kwoze

Nehemiah 9:7

Ni oe tha Jihova, ṉa God no filia tha Aberamo, mo talai nia mai na ba faisia i A, na fanua toa i Kaladia, mo alaṉia thatana atha Aberahamo;

GENESIS 24:10

Ma wane ni ra eri ka talaia tafulu kamela faisia aini kamela wane inoto nia, ka lae nana; uria na ogogonia wane inoto nia ni sui bana ni abana: ma nia ka tae kau, ka lae uria Mesopotemia, lalae ka fula isana toaa susu tha Neho.

GENESIS 12:4

Mania tha Aberamo e ade sulia ṉata lana tha Jihova neri, ka lae kau; ma tha Lota ka lae bi nia: ma fiu tafulu fa ṉali ma lima fa ṉali e sui atha Aberamo asi maṉa eri ne akwasia i Harana.

GENESIS 15:7

Ma nia ka una eri isana, Ni nau tha Jihova na ku talai oe mai faisia i A, na fanua toa i Kaladia, fasi kwai falea fanua nei iamu, do oe bonaa neri.

GENESIS 11:32

Ma fa boṉi tha Tira ki ro taleṉee fa ṉali ma lima fa ṉali: sui tha Tira ka mae i Harana.

GENESIS 10:19

Ma oli lana fanua Kenanaete ki ka thafali mai Saedona, lalae ka fula i Gira, sui ka lae uria Gasa; lalae ka fula i Sodomo ma Gomora, ma Atama, ma Seboimu, kai lae tathaa uri Lasa.

Hibaru ki 11:8

Ana fitooa tha Aberahamo, si maṉa na kera ailia na ba, e ade sulia si ṉata fasi ka lae kau uria ta fanua na kera tooa kai ṉalia ana do nia i talaana; ma nia lae kau, si maṉa ne dora ania ifei ne lae uria.

GENESIS 27:43

Uria si kula eri, kaluwane nau ae, ade fasi sulia bae laku; tatae, oko thaka isana waiwaena nau na tha Lebana i Harana;

GENESIS 24:15

Ma lalae mai, si maṉa nia kai ṉata si sui u, rikia fasi, ni Ribeka ka lae mai, thari tha Bethuele, na kaluwane ni Milika, na kwaina doorana tha Aberahamo, na tha Neho; ma do nia ni ṉali lana kafo ni gwauna abana thari eri.

GENESIS 12:5

Ma tha Aberamo ka talaia kau kwaina na ni Serai, ma tha Lota na kaluwane doorana, ma ogogonia kera na kera ofua mai, ma imole eki na kera safu kera anida i Harana; ma keka lae kau fasi keki lae uria fanua i Kenana; lalae keka fulatoona boo fanua eri i Kenana.

GENESIS 14:12

Ma kera ṉalia tha Lota, kaluwane doorana tha Aberamo, ne toto i Sodoma, ma ogogonia nia ki, keka lae nada fafia.

GENESIS 28:10

Ma tha Jekofo ka lae nana faisia i Biasifa, ka lae sula tale uri Harana.