GENESIS 1:3 - Ṉa Alaofua Falu 1923 1949

³ Ma tha God ka una eri, Kai laa: ma sui lalaa la ka laa bana.

GENESIS 1:3 Referans Kwoze

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

Jone 1:5

Ma ṉa lalaa la eri kai laa i la maerodo; ma ṉa maerodo e ai si suusia.

I. Jone 1:5

Ma si ṉata eri na mili roṉoa ani nia, ma mika faaroṉo kamulua ania nai nia, na tha God na ṉa lalaa la, ma ani nia e ai dodoloa ta maerodo.

Efesasi 5:8

Sulaania inao mai mulu rorodoa, ma sui si maṉa eri kamulua lalaa la ana ṉa Lord: abula lamulua kai farana baree wela ṉa lalaa la

Jone 1:9

Lalaa la mamana eri, ne laafia wane ki sui bana, kai lae mai uria fanua nei iano.

Jone 3:19

Ma kwae lada nania, na ṉa lalaa la e fula naa i fanua nei iano, ma wane ki kesi thathamia lalaa la eri, keka thathamia ada maerodo ni ana; uria na abula lade taa.

Fa Ṉu Abu ki 33:6

Tha Jihova e thauwai nia thalo lo ki ana bae lana; ma omea baita ni sui bana e ni ania ana ufi lana fokona.

Fa Ṉu Abu ki 148:5

Keki taṉoa fasi thatana tha Jihova: sulaania ni nia e ṉata mai, me thauwanida.

Fa Ṉu Abu ki 97:11

Kera fasia naa laa la ifana toa kokoto ki, ma ele la ifana toa eki na si lio i ruruuda ka oolo.

Fa Ṉu Abu ki 33:9

Uria na ni nia e bae, ma kera bii ade sulia bae lana; ni nia e ṉata fifi, ma fanua na i iano ka takwe ṉado bana.

I. Jone 2:8

Ma sui lau boo, si ṉata fifi falu neri na nau ku keda kau isamulua, do ne mamana ani nia ma ani kamulua: sulaania maerodo ka tatha, ma ṉa lalaa la mamana ka laa si maṉa eri mena.

Efesasi 5:14

Mania nia sorea, Oki tharai, wane no biṉa liu, ma oki tatae faisia toa mae ki, ma tha Christ kai laa fafi oe.

Fa Ṉu Abu ki 104:2

O thu fafi oe ana lalaa la ’uria tooni: o tekwasia thalo lo ki mala si thala ne rarakwakwada:

I. Timothi 6:16

Na tee nia ṉa marukia tatha ka ni ania, kai to ana lalaa la na kesi talaana idu la karaṉia; nia ne ai ta wane si rikia u, me ai ta wane si talaana riki lana: keki fare baita ani nia ma keki taṉoa sukwaia nia toto si sui. Emeni.

Fa Ṉu Abu ki 118:27

Tha Jihova e God boo, ma nia e falea lalaa la iakulua: kani fafia do ni foa la eri asi anofa, kai bira ana susukee do eki ana fulii era ni foa la.

Jone 11:43

Ma nia ṉata una eri e sui, ka ’ai ana ’ai la baita, Lasarasi, oki kotho mai i maa.

Mathui 8:3

Ma tha Jesus e falea kau abana, ka sua nia, ma ka una eri, Ku thathamia boo; oe oki falu. Ma si maṉa eri u boo uru nia eri ka ai faisi nia.

GENESIS 2:4

Si ade la ne ita mai ana thalo lo ki ma fanua ne i iano nai nia, si maṉa na kera thauwanida ka sui, afa boṉi eri na tha Jihova God e thauwai nia sui naa fanua ne i iano ma thalo lo ki,