GENESIS 1:28 - Ṉa Alaofua Falu 1923 1949

²⁸ Ma tha God e alua lea la ka to fafidaroa, ma tha God ka una eri isadaroa, Kwalafamaroa keki oro faamau ka lae alaa, ma muki fuṉu i fanua na i iano, muki alua kai roo suli kamulua: muki inoto fafia gwa i’a eki la amali, ma fafia thaaro i mamatalea ki, ma fafia do maruki eki sui boo na keki isu ifafona fanua na i iano.

GENESIS 1:28 Referans Kwoze

GENESIS 9:1

Ma tha God ka alua lea la fafia tha Noa ma kaluwane nia ki, ka una eri isada, Kwalafamulua keki oro faamau ka lae alaa, ma muki faafuṉua fanua na i iano.

GENESIS 9:7

Ma ni kamulua, kwalafamulua keki oro faamau ka lae alaa; muki tharea wela oro ki i fanua na i iano, ma muki oro faamau iei.

GENESIS 1:22

Ma tha God e alua lea la ka to fafida, ka una eri, Kwalafamulua keki oro faamau ka lae alaa, ma keki fuṉu i la kafo eki la amali eki, ma thaaro eki keki oro faamau ka lae alaa i la fanua na i iano.

GENESIS 17:20

Ma sulia tha Isimela, nau ku roṉoa naa foa la oe ba: rikia fasi, nau ku alua naa lea la fafi nia, kwai adea kwalafana keki oro, keki oro faamau ka lae alaa; nia kai kwalafia tee akwala ma ro wane gwauwai ki, ma nau kwai adea kulee toa ne inoto faamau kai thafali mai ani nia.

GENESIS 8:17

Talaia mai bi oe do maruki eki sui bana na ni isamu, na do eeta kwailiu, thaaro ki, ma aini katele ki, ma do aṉoaṉo na keki aṉo fafia fanua ne i iano; fasi keki oro alaa i fanua na i iano, kwalafada keki oro faamau ka lae alaa, ma keki funu i fanua na i iano.

Fa Ṉu Abu ki 107:38

Ni nia ka falea lau boo mamanaa ifada, adedea keki oro alaa; me a’i si alamatai nia aini katele kera ki si oli toli.

GENESIS 26:24

Ma tha Jihova ka fula fatai isana afa rodo eri boo, ka una eri, Ni nau God maka oe na tha Aberahamo: osi mau, uria ni nau kwai to bi oe, kwai alua lea la fafi oe, kwai adea kwalafaa oe kai oro alaa inunufana wane ni ra nau na tha Aberahamo.

GENESIS 17:16

Ma ni nau kwai alua lea la fafi nia, kwai falea lau boo tee fa kaluwane iamu ani nia: iu, ni nau kwai alua lea la fafi nia, ma ni nia na thaina totonao ana kulee toa ki; kiṉa ki ana kulee toa eki keki ita mai ani nia.

GENESIS 49:25

Ana God maka oe neri, na kai adomi oe; ana God ne Sukwai ka Tatha, na kai alua lea la fafi oe asi do lea ita ki mai thalo lo, ma si do lea ki na i matakwa ne teo ifara, si do lea na i uumana kini ki, ma rakeda:

GENESIS 33:5

Ma wane eri ka tafoa maana, ka rikia kini eki ma kaala wela; ka una eri, Ni tei na kera lae bi oe, nai nida? Ma nia ka una eri, Baree wela eki na tha God ana kwaiofei lana e falea mai ifana wane ni ra oe.

GENESIS 24:60

Ma kera alua lea la fafia ni Ribeka, keka soree isana, Waiwaena kamilia na ni oe, oki kwalafia tee tooni kudui imole, ma kwalafaa oe keki ana ana maethakaa toa eki na kera rikida ka taa.

Fa Ṉu Abu ki 69:34

Thalo lo ma fanua na i iano kai taṉo nia, amali eki, ma si do ki sui bana na keki isu i lala.

I. Timothi 4:3

Keki lufia ta wane si tolekini, ma keki sorea kai abu ana tei faṉa, na tha God e thauwanidaki fasi toa na keki fitoona ma keki thaitoomana mamana la eri keki ṉalia asi sore lea la.

GENESIS 5:2

E thauwanidaroa wane ma kini; sui ka alua lea la fafidaroa, ka alania thatadaroa ana Adam afa boṉi eri ne thauwanida.

Fa Ṉu Abu ki 8:6

O alu nia ka inoto asi ra ana ro aba oe ki; o alua si do ki sui bana ka roo suli nia ifara aaena:

GENESIS 6:1

Ma lalae mai, si maṉa na imole ki keka thafalii oro alaa faamau i maana fanua ne i iano, ma keka tharea wela thari kera ki,

Fa Ṉu Abu ki 8:7

Aini sifi ki sui boo ma aini buloka ki, iu ma do maruki na keki isu i masuu;

Fa Ṉu Abu ki 115:16

Thalo lo ki na ṉa thalo lo tha Jihova ki; ma sui fanua na i iano e falea naa ifana wela imole ki.