GENESIS 1:26 - Ṉa Alaofua Falu 1923 1949

²⁶ Ma tha God ka una eri, Kulu thauwai nia imole sulia nuukulua i talaakulua, riki lana kai ’uri kulu: ma keki inoto fafia gwa i’a na i amali ki, ma fafia thaaro i mamatalea ki, ma fafia katele ki, ma fafia fanua na i iano ka sui bana, ma fafia do eki sui bana na keka aṉo ifafona fanua na i iano.

GENESIS 1:26 Referans Kwoze

Kolose 3:10

Ma muka tooni naa ana wane falu, na keki adea kai falu uria thaitoomana la sulia nuna ni nia ne thauwai nia:

Efesasi 4:24

Ma mulu tooni naa ana wane falu, na kera thauwai nia sulia tha God ana kokoto la ma si lio ne abu ana mamana la eri.

GENESIS 3:22

Ma tha Jihova God ka sorea, Rikia fasi, wane nei kera adea ka ’uria ta do iakulua, ka thaitoomana lea la ma taa la: ma si maṉa eri ada ka tekwasia abana, ka ṉalia lau boo foana ’ai eri ana marukia, ka ania, ma ka bii maruki toto si sui:

GENESIS 5:1

Buka asi ade la ne ita mai atha Adam nai nia. Afa boṉi eri na tha God e thauwai nia imole, ka thauwai nia sulia nuuna tha God;

Fa Ṉu Abu ki 100:3

Thaitoomana fasi tha Jihova na nia God boo: ni nia ana ne thauwai kulu, ma ni kulu na do nia ki; toa nia ki na ni kulu, ma aini sifi na nia e thare kulu.

II. Korinitha 3:18

Ma ni kulu sui, ana maakulua ne ai ta maku si thu fafia, uria na kulu rikia ’uria i la ironunu inotoa tha Lord, kera tala ani kulu kuka lioe nuna ana inotoa na kai baita alaa, uria si do na kai ita ana Spirit tha Lord.

Kolose 1:15

Nia na nuna tha God ne to bana ma kesi riki nia, nia totonao, sui do eki sui bana na kera thauwai nia;

Jemesi 3:9

Asi do eri kulu taṉoa thatana tha God na Maka; ma asi do eri kulu alua taa la kai to fafia wane ki, na kera thauwai kera sulia nuna tha God:

II. Korinitha 4:4

Toa eki god kada nei e faarorodoa manatana toa ana fitala la, fasi ṉa lalaa la na si faaroṉoa lea sulia inotoa tha Christ, na nuna tha God, ka ai si laa ifada.

I. Korinitha 11:7

Uria na wane, e ai si lea na keki thu fafia gwauna, sulaania nia nuna tha God ma do na ka faainoto nia: sui ṉa kini na ṉa do na ka faainotoa ṉa wane.

GENESIS 9:6

Ni tei bana ne adea ’abuna imole kai igwa, imole kai duua ana ’abuna imole eri ne ilia: uria na sulia nuuna tha God nia e thauwai ana imole.

Si do Aposela ki kera ilidaki 17:26

Ma ita mai ana tee nonii wane, nia thauwai nia kulee toa eki sui boo fasi keki to ana fanua nei iano ni sui bana, buriana ne gwalua totonao si maṉa kera ki, ma sui lana fanua kera ki;

Jone 14:23

Tha Jesus e luua, ka soree isana, Mada sa ta wane ka liothau iaku, nia kai ade sulia bae laku: ma Maka nau kai liothau ani nia, ma kamarea meki lae kau, meki to ana kadee biu kamarea isana.

I. Jone 5:7

Sulaania toa na kera faamamanea si do kera thaitoomana i thalo kera ulu Ei, ṉa Maka, ma ṉa Baea, ma tha Spirit Abu: ma ulu Ei eki tee God boo.

Jemesi 3:7

Sulaania si do eeta ki sui bana ana do maruki ana fai ae ki ma thaaro ki, ma wa ki ma si do nai la amali ki, wane ki keka faaraoa, ma kera faaraoa sui:

Fa Ṉu Abu ki 149:2

Isirela kai seethathala fasi ani nia ne thauwai nia: wela Saeono ki keki ele ana Kiṉa kera.

GENESIS 11:7

Kulu kau kulu sifo, kuki adea na ṉata lada kai eeta kwailiu, fasi tei toa iada keki dora ana maalutana ṉata lana tei toa lau.

Jone 5:17

Tha Jesus e luuda, ka una eri, Maka nau kai ra ka fula asi maṉa eri, ma ni nau ku ra.

Si do Aposela ki kera ilidaki 17:20

Uria no faaroṉo kamilia ana tei si do ne ai misi roroṉoa u ana aliṉamilia: mania mili thathamii thaitoomana toolaṉai lana si do eki.

GENESIS 2:19

Na ana theegano tha Jihova God ka thauwai nia do maruki eki sui boo i masuu ki mai, ma thaaro eki sui boo i mamaṉaa; ka talaida mai satha Adam fasi kai roṉotoona thatada na wane eri kai alaṉida ania: ma atona bana ta thata na tha Adam e alaṉia ata do ana do maruki eki sui bana, thatana bonaa neri.