GENESIS 1:20 - Ṉa Alaofua Falu 1923 1949

²⁰ Ma tha God ka una eri, Kafo eki kai fuṉu ana do oro maruki‐ki na keki isu; ma thaaro ki keki lofo iaa faisia fanua na i iano i maana si kula eri ne rerebaa, na thalo lo neri.

GENESIS 1:20 Referans Kwoze

GENESIS 2:19

Na ana theegano tha Jihova God ka thauwai nia do maruki eki sui boo i masuu ki mai, ma thaaro eki sui boo i mamaṉaa; ka talaida mai satha Adam fasi kai roṉotoona thatada na wane eri kai alaṉida ania: ma atona bana ta thata na tha Adam e alaṉia ata do ana do maruki eki sui bana, thatana bonaa neri.

Fa Ṉu Abu ki 148:10

Do maruki‐ki na i masuu bia katele ki sui bana; do muki aṉo, bia thaaro na muki lofo iaa i mamaṉaa:

GENESIS 1:30

Ma ni nau ku falea naa kaala lolo katha ki ifana do maruki eki sui boo na keka isu i fanua na i iano, ma ifana thaaro eki sui boo i mamatalea, ma ifana do eki sui bana na keka aṉo ifafona fanua na i iano, faṉa kera ni bonaa neri: ma to lana e una eri bonaa.

GENESIS 8:17

Talaia mai bi oe do maruki eki sui bana na ni isamu, na do eeta kwailiu, thaaro ki, ma aini katele ki, ma do aṉoaṉo na keki aṉo fafia fanua ne i iano; fasi keki oro alaa i fanua na i iano, kwalafada keki oro faamau ka lae alaa, ma keki funu i fanua na i iano.

GENESIS 1:22

Ma tha God e alua lea la ka to fafida, ka una eri, Kwalafamulua keki oro faamau ka lae alaa, ma keki fuṉu i la kafo eki la amali eki, ma thaaro eki keki oro faamau ka lae alaa i la fanua na i iano.

GENESIS 1:14

Ma tha God ka una eri, Laafa ki kai to bana asi kula eri ne rerebaa faamau, na ṉa thalo lo, kai adea fa thato ki kai to eeta faisia fa rodo ki: ma do eki ifana baala si do ki, ma si maṉa ki, ma fa boṉi ki, ma fa ṉali ki:

GENESIS 1:7

Ma tha God e thauwai nia si kula eri ne rerebaa faamau, ka adea kafo eki na ka to ifara si kula eri kai to eeta faisia kafo eki na ka to ifafona si kula eri: ma to lana e una eri bonaa.

Si do Aposela ki kera ilidaki 17:25

Ma kesi ra ani nia ana abee imole, ’uria sa nia rofea ta si do, uria ni nia ka falea marukia, ma si maṉo, ma si do ki sui bana, ani kia sui;

GENESIS 1:19

Ma fanua ka rodo, sui ka dani; faina fa boṉi neri.

GENESIS 1:21

Ma tha God e thauwai nia gwa thasu baita ki, ma do maruki eki sui bana na keki isu i la kafo, ne fuṉu ana do oro na kera eeta kwailiu, ma thaaro eki sui bana na kera eeta kwailiu na keka lofo ana kukubada: ma tha God e rikia ka lea bana.

GENESIS 7:21

Ma do maruki eki sui boo na kera isu fafia fanua ne i iano keka mae naa, na thaaro ki, ma aini katele ki, ma do i masuu ki mai, ma do aṉoaṉo na kera aṉo fafia fanua ne i iano, ma imole ki sui bana: