Galesia 2:2 - Ṉa Alaofua Falu 1923 1949

² Ma nau ku tae sulia si do na tha God e fatai nia isaku; ma ku faaroṉoda ana maalutana si faaroṉoa lea na nau ku ṉata sulia isana Jenetaele ki, ku faaroṉoa toa inoto ki talifili kera, ada mado e ai fita la nau nai maṉa eri ka funu, ma fita la totonao nau ni lau boo.

Galesia 2:2 Referans Kwoze

Galesia 2:6

Ma ana wane eki na kera alaṉida ana wane inoto ki (ku doanita keka inoto lau mena ada, mado ka ai lau mena ada: tha God e ai si rikia wane ki ’uria sa kesi totoo) — wane inoto eki kesi faaroṉo nau ana ta si do ne falu:

Filifae 2:16

Na muki rau lalaa asi baea ana marukia; fasi nau kwai seethathala afa boṉi tha Christ, uria ni nau e ai kwasi tona fifita ma kwasi tona ululafu.

I. Thesalonika 3:5

Mania, si maṉa na nau ku dora ania to la lau faisia, ku kwaiarasi kau fasi kwai thaitoomana maalutana fitooa kamulua, ada mado e ai nia na kai bae aliṉana imole e bae aliṉamulua, ma ra ba mili ululafu ania na ṉa tonee do.

Galesia 2:9

Ma si maṉa na kera thaitoomana lea la eri na kera falea ifaku, tha Jemesi ma tha Kifasi, ma tha Jone, na kera alaṉida ana betana biu ki, kera rau i aba aola nau ma tha Banabasi ana kwaimani lea la, fasi meki lae isana Jenetaele ki, ma ni kera isana toa eri ana kwai kakali la;

I. Korinitha 9:26

Mania nau ku fita, mala wane na ka to ana ro si lio e ai; sa kwa kumu mala wane na ka kwaea mamatalea, ka ai lau boo:

I. Korinitha 1:23

Ma ni kamilia mili ṉata sulia tha Christ na kera fota fafi nia ana ’ai rarafolo, isana Ju ki do na kera taofai kera ania, ma isana toa i Girisi ki oewanea la;

I. Korinitha 9:24

Musi thaitoomana sulia toa na kera ili uria fita fofoa la, na kera sui kera fita, sui talifilia tee nonii wane ka ṉalia kwaiara eri? Talafana lau boo muki fita, fasi muki fulatoona.

I. Korinitha 2:2

Uria nau ku alua manataku ana tee si lio fasi e ai kwasi thaitoomana lau ta do i maalutamulua, talitoona bana tha Jesus Christ, nia na kera fota fafi nia ana ’ai rarafolo.

Si do Aposela ki kera ilidaki 15:12

Ma malului wane eri sui boo keka bona bada; keka roṉoa tha Banabasi ma tha Polo si maṉa na kekoi uunu sulia bala si do ba ki ma do ni kwele la ania na tha God e ilidaki i maalu tana Jenetaele ki ani keroa.

Si do Aposela ki kera ilidaki 15:4

Ma lalae kera fula i Jerusalema, figua eri ma aposela ki ma ulunao ki kera thathagonida mai, ma keko uunu sulia si do eki sui boo na tha God e ilia ani keroa.

Filifae 2:29

Mania muki thathagoni nia ana ṉa Lord ana seethathala la faamau; ma muki fare baita ana wane una eki:

Galesia 1:16

E thathamii fatai nia Kaluwane nia i ruruuku, fasi kwa ṉata suli nia i maalutana Jenetaele ki; si maṉa eri u boo e ai kwasi ṉata bia imole ana marikobia abu.

Si do Aposela ki kera ilidaki 23:11

Ma afa rodo iburiana ṉa Lord e takwe isana, ka sorea, Kai lea bana iamu, Polo: uria talafana no faamamanea si do no thaitoomana suli nau i Jerusalema, alafana lau boo e ai si ei oki faamamanea boo si do eri i Roma.

Si do Aposela ki kera ilidaki 18:9

Ma ṉa Lord ka soree isatha Polo afa rodo ana si na kera fatai lalaa ania, Osi mamau, oki ṉata, me ai osi bona:

Si do Aposela ki kera ilidaki 5:34

Ma sui tee nonii wane e takwe ia ana ofu la eri, na Farisi, thatana tha Gamaliele, wane ni kwaifamanatai ana ṉa lo, na toa eki sui bana kera fare baita ani nia, ka sorea keka alua wane eki i maa ta kasi maṉa seseka.

Mathui 10:16

Rikia fasi, nau ku arasi kamulua kau muka ’uria sifi i maalutana koito kwasi ki: mania liomulua kai too ’uria wa aala ki, ma manatamulua kai dodoloa ’uria manatana bola ki.

Si do Aposela ki kera ilidaki 15:2

Ma si maṉa na tha Polo ma tha Banabasi kero ṉata ni firua faamau ma keko oli susuu bia toa eki, manatana baree wai doorana na tha Polo ma tha Banabasi, bia tei wane iada lau boo, keki tae uri Jerusalema isana aposela ki ma ulunao ki uria si do eri na kera oli susuu fafia.

Roma 9:16

Mania si do eri thafali mai ana wane na ka thathamia e ai, ma ana wane na ka fita ka ai lau boo, atha God na ka kwaitatakomi.

II. Korinitha 12:1

Kwai faabaita nau e ai si ei boo, boro sa do eri e ai si kwaiadomi mena; kwai fula ana si na kera fatai lalaa ania ma si ne toto thaufuni na ṉa Lord e fatai nia.

Galesia 1:6

Nau ku kwele na muka lae fofoa una eri faisi nia ne aili kamulua mai ana lea la tha Christ uria ta si faaroṉoa lea ne eeta;

Galesia 1:12

Sulaania e ai kwasi ṉalia ana wane, bia wane e ai si tooa isaku, si do na tha Jesus Christ e fatai nia isaku neri.

Galesia 5:7

Mulu fifita ni lea la; ni tei ne suusi kamulua faisia fasi musi ade sulia mamana la eri?

II. Timothi 4:7

Nau ku firu naa ana firua lea eri, nau ku fita sui naa, nau ku rau asi do eki na kulu fitoona:

Hibaru ki 12:1

Mania ni kulu lau boo, uria na toa eri ooro ka oro na kera bubu ka to kakali kulu ’uria si datha, kuki tanusia si do ki sui bana ne kulua, ma abula taa la eri ne ai si afetai sa ka faakatu kulu, ma kuki fita ana fifita la eri na kera alua inaofakulua asi lio ni susuu la,