Filifae 3:1 - Ṉa Alaofua Falu 1923 1949

¹ Si do iisi, doora kera, muki seethathala ana ṉa Lord. Ku keda kau si do eki boo isamulua, si do ni nau e ai kwasi lalakwee ilia, ma si do fasi ni kamulua muki to lea neri.

Filifae 3:1 Referans Kwoze

Filifae 4:4

Muki seethathala ṉado ana ṉa Lord: kwai sorea si lau, Muki seethathala.

Roma 5:11

Ma talitoona bana si do eri e ai, kulu faabaita kulu lau boo atha God ana Lord kulu tha Jesus Christ, Wane na kulu ṉalia kwaimani la eri na kulu kwaimani lau ania ani nia.

Jemesi 1:2

Manatamulua na do muki seethathala faamau ania, doora kera, si maṉa na muki tatha ana ilitooa oro ki;

I. Pita 4:13

Ma uria na mulu ṉalia tei si ana taa la tha Christ ki, muki seethathala ania; fasi asi maṉa na toto keki fatai nia lau boo inotoa nia, muki bii seethathala ana seethathala la ne baita ka tatha.

I. Thesalonika 5:16

Muki seethathala ṉado;

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

I. Pita 3:8

Si do iisi, kamulua sui muki to ana tee si lio, muki tatakomi kamulua, muki liothau kwailiu ani kamulua ’uria tee baree wai doorana, si lio kamulua ana mamasoro la, ana abula seseka la:

II. Korinitha 13:11

Si do iisi, doora kera, muki seethathala. Keki oolo kamulua; keki faainamaruki kamulua; muki to ana tee si lio; muki to ana enenoa; ma ṉa God ana liothau la ma enenoa kai to bi kamulua.

II. Pita 3:1

Ruana leta nania, toa liliothaua nau ki, na nau ku keda kau isamulua; ma ana ro si do eki, ana faaroṉo lamulua la lau asi do ki, ku tharasia manatamulua ne thathaulia;

Efesasi 6:10

Si do iisi, doora kera, muki sukwai ana ṉa Lord, ma ana sukwai lana rigita la nia.

Luke 1:47

Ma spirit nau e seethathala atha God ne faamaruki nau.

Fa Ṉu Abu ki 37:4

Oko seethathala lau boo atha Jihova; ma ni nia kai falea si do eki iamu na ruruumu e thathamia.

Fa Ṉu Abu ki 32:11

Muka thalume atha Jihova ma muka seethathala faamau, kamulua na toa kokoto: ma muka suuni ana ele la, kamulua sui na toa na si lio i ruruumulua ka oolo.

Filifae 3:3

Uria ni kulu toa ana kwai kakali la, na kulu faabaita tha God atha Spirit, ma kulu seethathala atha Christ Jesus, me ai kusi fitoona seena imole:

Mathui 5:12

Muka seethathala, ma muka thalume ka baita ka tatha: sulia kwaiara kamulua e baita mai thalo lo: uria na kera tona ilamatai una eri ana porofeta inao ki mei.

Fa Ṉu Abu ki 149:2

Isirela kai seethathala fasi ani nia ne thauwai nia: wela Saeono ki keki ele ana Kiṉa kera.

Fa Ṉu Abu ki 97:1

Tha Jihova kai inoto fafia si do ki sui bana; fanua na i iano kai seethathala fasi; auua oro eki keki ele.

Fa Ṉu Abu ki 42:4

Ku onotoona si ade la nei ki, ku bii kikiraa maṉoku i la seeku, na lae laku na nau ku lalae ania na ba ofu bia malului wane eki, ku tatalaida uria biu tha God, bia liṉana ṉata lana toa na kera thalume ma keka taṉo nia, malului wane na mili faaabua fa boṉi ana adedoa neri.

Fa Ṉu Abu ki 5:11

Toa eki molo na kera takofale kera iamu keki seethathala; keki suuni ṉado ana ele la, uria no thufida: toa eki lau boo na kera thathamia thatamu keki seethathala ani oe.

Nehemiah 8:10

Sui nia ka soree isada, Lae namulua, ania fasi si do gwagwarurutaa ki, kuu fasi ana si kafo gwagwaria, muki falea kau moriṉa kera ki ifana toa eki na kesi betaa ta si do iada: uria na fa boṉi nei e abu ifana Arai kulu: ada muka liliodila; uria na sukwaia kamulua ni ana seethathala la atha Jihova.

I. Thesalonika 4:1

Si do iisi, doora kera, kamilia mika ṉata kwaitakoi mika soree isamulua atha Lord Jesus, na, talafana na mulu roṉoa ani kamilia sulia abula la ne kokoto muki abula sulia na tha God ka ala fafia, abula la kamulua eri kai sukwai alaa.

Fa Ṉu Abu ki 33:1

Muka seethathala fasi atha Jihova, kamulua na toa kokoto; taṉo lana thatana e farana toa oolo ki.